මෙරට මුහුදේ මේ වනවිටත් ගිලෙමින් ඇති එක්ප්රස් පර්ල් නෞකාවෙන් මුහුදට තෙල් කාන්දුවක් සිදුවෙමින් ඇති බවට චන්ද්රිකා ඡායාරූප මගින් සාක්ෂි ලැබී ඇතැයි ස්කයි නිව්ස් වාර්තා කරයි.
චන්ද්රිකා ඡායාරූප විශ්ලේෂණයේදී පෙනී ගොස් ඇත්තේ නෞකාව වටා එම දැවැන්ත තෙල් පැල්ලම දැකිය හැකි බවයි.
මෙම චන්ද්රිකා ඡායාරූප පසුගිය සදුදා දිස්වූ දර්ශනය බව කියැවේ.
එක්ස්ප්රස් පර්ල් නෞකාව පසුගිය 2 වැනිදා සිට ගිලීමට පටන් ගත්තේ දින 12ක් පුරා එහි පිපිරීම්වලින් සිදුවූ ගින්න සුළි කුණාටු අතරතුර වුවද අඛණ්ඩව නිවාදැමීමට ගත් උත්සාහයෙන් අනතුරුවය.
මෙරට මුහුදු වෙරළට නෞකාවේ සුනුබුන්, ප්ලාටික් කැට ටොන් ගණනින් මෙන්ම මියගිය කැස්බෑවුන්, තල්මසුන්, ලොකු කුඩා මත්ස්යයන් ඇතුළු සියලුම වර්ගවල ජීවීන් මෙන්ම කොරල් පර සුනු බුන් ද ගොඩගසමින් තිබේ.
මෙරට ඉතිහාසයේ බිහිසුණුතම සමුද්රීය පාරිසරික ව්යසනය ලෙස මෙය හැදින්වේ.