පාතාලයේ මත්කුඩු ජාවාරමේ ප්රබලයෙක් වන දෙමටගොඩ රුවන් පදිංචිව සිටි දෙමටගොඩ වේළුවන පාරේ පිහිටි නිවසේ ඔප්පුව දෙමටගොඩ පුද්ගලික බැංකුවක සේප්පුවක තිබියදී සොයාගෙන තිබේ.
අපරාධ පරීක්ෂණ දෙපාර්තමේන්තුව විසින් ඊයේ(17) එම බැංකු සේප්පුව පරීක්ෂා කිරීමේදී එම ඔප්පුව හමුවී ඇත.
පිහිනුම් තටාකයක්ද ඉදිකර ඇති මන්දිරයක් වැනි ඔහු පදිංචිව සිටි නිවස පිහිටි එම ඉඩම ඔප්පුවේ සදහන් ආකාරයට මිලදී ගෙන ඇත්තේ රුපියල් කෝටි 03 කටය.
එහි පෙර හිමිකරු සඳහන් කර ඇත්තේ එම ඉඩම තමාගෙන් රුපියල් කෝටි 06 කට මිලදී ගැනීමට ගැනුම් කරුවන් පැමිණියත් තමාට රුපියල් කෝටි 03 කට රුවන්ට එම ඉඩම විකුණා දැමීමට සිදුවූ බවය.
කියවන්න…
අවුරුද්දක දී කුඩු ටොන් එකක් රටට ගෙනා දෙමටගොඩ රුවන්ගේ ගෙදරට සී.අයි.ඩි. ය අද උදේ ගිය ගමන…
දෙමටගොඩ රුවන්ගේ “පොලිස් මචං“ ලා තොගයක් හෙළි වෙයි… පොලිස් මූලස්ථානය දුරකථන ජාල පරීක්ෂාවකට සැරසෙයි…







