මධ්යම අධිවේගී මාර්ගයේ වැඩ තාවකාලිකව අත්හිටුවා පොලිසිය සහ එස්.ටී.එෆ් එක අධිකරණ නියෝගයක් ලබාගෙන සිදුකළ නිධාන් හෙවීම හමාර වී තිබේ.
අප මුල සිටම ප්රකාශ කළ ආකාරයට ගල කැබලි කර පසු කිසිවක් හමුවී නැත. එම කැබලි තවත් කුඩා කැබලිවලට කඩා ස්කෑන් කිරීමට සූදානම් වෙමින් තිබේ.
මේ වනවිට රටක් විහිලුවක් කරමින් රජය සහ අධිකරණයත් බරපතල අපහසුතාවයට ලක් කර ජාතික ධනයද වැය කර සිදුකල අවිචාරවත් ක්රියාවලිය සම්බන්ධව දැඩි විවේචන මතුවෙමින් ඇත්තේ මේ විෂය සම්බන්ධ නිසි බලධාරියා වු පුරාවිද්යා දෙපාර්තමේන්තුව ලබා දුන් විද්යානුකූල නිර්දේශ තුන් වරක් ප්රතික්ෂේප කරමින් වේයන්ගොඩ පොලිසියේ ස්ථානාධිපතිවරයා අධිකරණය නියෝග ලබාගෙන මේ දැවැන්ත ව්යසනය සිදුකිරීම පිළිබඳවය.
එමෙන්ම තමන් භාවිතා කරණ උපකරණවල කාර්යක්ෂමතාවය සහ ඉන් කළ හැකි නොකළ හැකි දේ පිළිබඳව මුලික වැටහීමකින් තොරව විශේෂ කාර්ය බලකාය විසින් මෙම කටයුත්තට මැදිහත්වීම සම්බන්ධව ද විවේචන මතුවී ඇත.
මධ්යම අධිවේගී මාර්ගයට සිදුවී ඇති හානිය සම්බන්ධව තවම තක්සේරු කර නැත. පුරා දින තුනක් තිස්සේ දැවැන්ත පරිශ්රමයක් දරා ගල ගොඩට ගෙන අද දහවල් 12වනවිට ගල කැබලි කිරීම ආරම්භ වී තිබිණි.
මේ ලිපිත් කියවන්න…
අධිවේගී මාර්ගය හැදීම නවතා දමා පාර හාරා නිධන් හොයන ජාතියක පුරවැසියෙකුගේ සොමිය…
