සටහන – ශ්රියානි විජේසිංහ
කොරෝනා ලොව පුරා පැතිර ගිය පසුගිය මාස කීපය පුරාම රෝහල් පාළුවට ගියේය. අපට තිබුණු බරපතල රෝග සියල්ලම අමතක විය. සෙම්ප්රතිශ්යාව හා කැස්ස නැමැති වෛරස් රෝගයන් කෙරෙහි වැඩි අවධානය යොමු විය. ඒ නිසාම ගමේ වෙදමහතා ලඟට එක් වූ රොගීන් සංඛ්යාව වැඩි විය.
මේ අනුව කොරෝනා රෝගකාරක වෛරසය මැඩ පැවැත්වීමට විශාල කාර්ය භාර්යයක් ආයුර්වේදය සහ හෙල වෙදකමේ ඉටුකළ බව රහසක් නොවීය. නවීන වෛද්ය විද්යාවට කොරෝනා නව වෛරසයක් ලෙස පෙනුණද ආයුර්වේදයට එය නව වෛරසයක් නොවීය.
වාත කප ජ්වර රෝග
ආයුර්වේද වෛද්ය ක්රමයට අනුව කොරෝනා යනු වාත කප ජ්වර රෝග අවස්ථාවකි. ආයුර්වේද ජ්වර රෝග නිධානය යටතේ කොරෝනා වෛරසය හේතුවෙන් ඇතිකරන රෝග ලක්ෂණ වලට සමාන ජ්වර රෝග ලක්ෂණ දක්වා ඇත. වාත කප ජ්වර රෝගය සඳහා ප්රතිකාර කිරීමෙදී එම වෛරසයට ශරීරයේ රැඳී සිටිය නොහැකිවේ. වෛරසය හේතුවෙන් අසමතුලිත වූ දෝෂ විකෘතිතාවය සමාන කිරීම මගින් මෙම රෝගය ජයගත හැකිය. ඒ සඳහා ආයුර්වේදයේ චිකිත්සා පද්ධතියක් තිබේ.
විවිධ නම් වලින් රෝග සොයාගෙන නම් කළද ආයුර්වේද පැරණි ග්රන්ථවල රෝග වැලඳුනු පුද්ගලයා පෙන්වන රෝගලක්ෂණ අනුව අසමතුලිත වූ දෝෂ හදුනාගෙන ප්රතිකාර කර සුවපත් කර ඇත. මේ හේතුවෙන් ආයුර්වේද වෛද්ය කර්මය තුල දක්ෂ පළපුරුදු වෛද්යවරුන්ට රෝගයන්ට ප්රතිකාර කළ හැකිය.
ලංකාවේ ගුවන් තොටුපල සහ වරාය තව නොබෝ දිනකින් ලෝකය ට විවෘත වීමත් සමග අනාරක්ෂිත තත්ත්වයකට පත් විය හැකි බැවින් අප වඩාත් සුරක්ෂිත විය යුතුය. ඒ අනුව පෙර මෙන් අපගේ ශරීරයේ ප්රතිශක්තිය වඩන නිරෝධායන ඖෂධ භාවිත කිරීම වැදගත්ය.
වෛරසය ජය ගැනීමට ආයුර්වේද උපදෙස්
සෑම විටම නිවසේ පිළියෙළ කළ ආහාර පමණක් අනුභව කිරීම
ව්යංජන පිසීමේදී කුළු බඩු හැකි පමණ භාවිතා කිරීම.
හැකිතරම් ප්රතිශක්තිය වඩනා ආහාරයන් වන කෙසෙල් මුව, කොහිල, පොළොස්, මුරුංගා, ගොටුකොළ, කතුරුමුරුංගා, තිබ්බටු, දොඩම් නාරං, කොමඩු බෙලි නෙල්ලි වෙරලු කටු අනෝදා ආහාරයට ගැනීම
කොළ කැද – ගොටුකොළ, යකිනාරං, හීන්බෝවිටියා, පොල්පලා, වැල්පෙනෙර, කරපිංචා ,හාතවාරියා ගුණදායකය.
පිටිකිරි වෙනුවට ඉඟුරු කොත්තමල්ලි, බෙලිමල්, රණවරා, පොල්පලා, ඉරමුසු පොකුරු වදමල් භාවිතකිරිම සුදුසුය.
ක්ෂණික ආහාර, පැණි බීම, රසකාරක යෙදූ ආහාර භාවිතයෙන් ඈත් වීම
එමෙන්ම පවිත්රතාවය, පිරිසිදු ඇදුම් ඇදීම, නිතර දෑත් පිරිසිදු කිරිම, ස්නානය, මුඛය උගුර ලුනු වතුරෙන් සේදීම, මුව ආවරණ පැළදිම,
දුම්පානයෙන් සහ මත්පැන් පානයෙන් වැලකී සිටීම
මානසික හා කායික වෙහෙසකර අවස්ථාවන්ගෙන් මිදීම
නිවසේ හෝ වැඩබිමේදී කහදියර ඉස පිරිසිදු කිරීම
මදුරුතලා කොහොඹ කොළ , හල්දුම්ල වැනි ඖෂධීය ද්ය්ය පොල්කටු අගුරුමත ලා දුම් ඇල්ලීම
සුදුසුකම් ලත් ආයුර්වේද වෛද්ය වරයාගෙන් උපදෙස් ලබා ගැනීමෙන් ඉදිරියේදී මෙම රෝගකාරක වෛරසයෙන් මිදී සිටීමට හැකිවනු ඇත.