ශ්රියානි විජේසිංහ –
සෞඛ්ය සේවා වෘත්තීය සමිති සන්ධානය 22වන දින ආරම්භ කිරිමට නියමිතව තිබු දීප ව්යාප්ත අඛණ්ඩ වැඩ වර්ජනය රටේ පවතින අයහපත් කාලගුණික තත්ත්වය හා වෙසක් උත්සවය නිමිත්තෙන් ලබන 28 වෙනිදා දක්වා කල් දමා ඇතැයි එම සන්ධානයේ සම කැඳවුම්කරු චානක ධර්මවික්රම පවසා සිටියි.
කෙසේ නමුත් පසුගිය 13දා සිට පළාත් මට්ටමින් ආරම්භ කළ වැඩ වර්ජනය ඊයේ (20) වයඹ පළාත තුළ අද ක්රියාත්මක කල අතර අද (21) බස්නාහිර පළාත තුළ ක්රියාත්මක කරන බව ඔහු පැවසුවේය.
පැය 4ක කාලයක් පුරා ක්රියාත්මක කරන වැඩ වර්ජනය හේතුවෙන් රෝහල් තුළ රසායනාගාර පරික්ෂණ. විකිරණ පරික්ෂණ, CT පරික්ෂණ MRI පරික්ෂණ, ඖෂධ නිකුත් කිරිම, ඖෂධ බෙදා හැරිම මුළුමනින්ම නතර වෙන බව හෙතෙම පැවසුවේය.
කෙසේ නමුත් ආර්ථික යුක්තිය ඉටු කර ගැනීම සඳහා මේ වන විට සෞඛ්ය වෘත්තීය සමිති 72ක් ආරම්භ කර තිබෙන වැඩ වර්ජනය හේතුවෙන් රෝහල් කටයුතු අඩපණවන බවත් තම ඉල්ලීම්වලට සෞඛ්ය අමාත්යංශය හෝ මුදල් අමාත්යංශ්ය පිළිගත හැකි විසදුමක් ලබා නොදෙන්නේ නම් ලබන 28 වන දා සිට දිවයින පුරා රෝහල්වල අඛණ්ඩ වැඩ වර්ජනයන් ක්රියාත්මක කරන බවත් සන්ධාන අවධාරණය කළේය.
