ආන්දෝලනාත්මක චරිතයක් බවට පත් වී ඇති ජාතික රොහලේ නියෝජ්ය අධ්යක්ෂ රුක්ෂාන් බෙල්ලන කොළඹ ජාතික රෝහලේ රථ වාහන පොලිස් ඒකකයට විරුද්ධව පිරිසක් පොළඹවාගෙන විරෝධතාවයක් සඳහා සූදානම් වනබව පොලිස් බුද්ධි අංශ විසින් වාර්තා කර ඇතැයි අභ්යන්තර පොලිස් ආරංචි මාර්ග පවසයි.
රෝහල් චතුරශ්රයට කිසිම වාහයනයක් ඇතුළු වීමට නොදී ඇතුළේ පිහිටුවා ඇති අනුමතයැයි කියාගත් රථගාලෙන් පමණක් රෝහලට ඇතුළත් කරන රෝගියෙක් වුවද රැගෙන යා යුතු බවට වු බලකිරීමත්, රෝහලෙන් පිටව යන රෝගියෙකුට සිය නිවසේ වාහනය හෝ ගෙන්වාගෙන පිටවී යෑමට නොදී ඔවුන්ට පිටවී යෑම සඳහා අනුමත යැයි පවසන රථ ගාලෙන් වාහන ලබා ගත යුතු යැයි බලකිරීමත්, මෙම වාහන අති විශාල අතාර්කික කුලියක් අයකිරීමත් හේතුවෙන් දිගින් දිගටම පැමිණෙන මහජන පැමිණිලි නිසා එම තත්ත්වය ලිිහිල් කිරීමට පොලිසිය ගත් ප්රයත්නයට එරෙහිව රෝහල් නියෝජ්ය අධ්යක්ෂ රුක්ෂාන් බෙල්ලන බරපතල විරෝධතාවයක් නිර්මාණය කර තිබිණි. පොලිසිය වාර්තා කරන පරිදි මේ අවිචාරවත් විරෝධය ඔහු විසින් මතු කරන්නේ රෝහල් අධ්යක්ෂවරයා ද අභිබවා යමිනි.
එමෙන්ම රුක්ෂාන් බෙල්ලන කොළඹ ජාතික රෝහල් රථ වාහන පොලිස් ඒකකයට රාජකාරිය සිදුකළ යුතු ආකරය සම්බන්ධව නියෝග ස්වරූපයේ ලිපි නිකුත් කිරීමත්, ඔහුගේ අත්සනින් යුතුව රථ ගාල් පවත්වා ගැනීම සඳහා ත්රී රෝද රථවලට ලිපි නිකුත් කිරීමත් සිදුකර තිබුණ ආකාරය බස්නාහිර රථවාහන දිසාව භාර නියොජ්ය පොලිස්පතිවරයාගේ දැඩි දෝෂ දර්ශනයට ලක් වූ අතර මේ අනීතික හැසිරීම වහාම නතර කරන ලෙස උපදෙස් දෙන්නැයි ඔහු ජාතික රෝහල් අධ්යක්ෂවරයාට ද ලිඛිතව දන්වා තිබිණි.
එමෙන්ම රාජකාරියක් සිදුකරන පොලිසිය දෝෂ දර්ශනයට ලක් කරමින් රාජ්ය නිලධාරියෙක් ලෙස මාධ්යවලට ප්රකාශ ලබාදීමත්, පාර්ලිමේන්තුවේ දී මේ ව්යාජය පොලිසිය අපහසුතාවයට ලක් කරමින් ප්රශ්න කිරීමට සැලැස්වීමත් සම්බන්ධව ද වාර්තා වූයේය.
පොලිිසිය පවසන්නේ බුද්ධි වාර්තා අනුව හෙට ඔහු විසින් කුළුගන්වන පිරිසක් ජාතික රෝහල ඉදිරිපිට පොලිසියට එරෙහිව උද්ඝෝෂණයක් පැවැත්වීමට සැලසුම් කර ඇත්තේ මේ පසුබිමේ දී බවය.
මාර්ග වසා දැමීම හිතූමතේ කළ නොහැක්කක් බැවින් මෙතෙක් සිදුකළේ ක්රමානුකූල රථවාහන පාලනය සිදුකළ යුතු බැවින් මේ ආකාරයේ අනවශ්ය බලපෑම් සිදුවන්නේ නම් රෝහල් චතුරශ්රය තුළ වාහන ගමනාගමනයට පූර්ණ ඉඩකඩ ලබා දී පොලිසිය මේ රථවාහන පාලන රාජකාරිවලින් ඉවත් වීමට කටයුතු කරන බවට පොලිසිය මේ වනවිට තීරණය කර ඇතැයි ද වාර්තා වේ.
මේ සම්බන්ධව බස්නාහිර පළාත් රථවාහන කෝට්ඨාසය භාර ජ්යෙෂ්ඨ පොලිස් අධිකාරී ප්රියන්ත ලියනගේ ජාතික රෝහල් අධ්යක්ෂවරයා වෙත ද පසුගිය 02 දා ලිඛිතව දන්වා තිබේ.
මේ ලිපියත් කියවන්න…
