මාකස් ස්ටොනික් ගේ සහ ග්ලේන මැක්ස්වෙල්ගේ බිහිසුණු ප්රහාරය හමුවේ අන්ත අසරණ වූ ශ්රී ලකා කණ්ඩායම අද තරගයෙන් කඩුළු 07ක ඛේදජනක පරාජයක් ලැබුවේය.
පන්දු 21 ඉතිරිව තිබිය දී ලකුණු 157ක ඉලක්කය ඔස්ට්රේලියානුවො පසුකළහ.
වනිඳු හසරංග සිය විස්සයි 20 ක්රිකට් දිවියේ අතිශය බිහිසුණු ප්රහාරයට ලක් වූයේය. ඔහු යැවූ ඕවර තුනේ පන්දු 18ක් තුළ ලකුණු 53ක දැවැන්ත ප්රහාරයකට ලක්විය. කඩුළු ලැබුවේ නැත. ඕවරයක ලකුණු ලබා ගැනිමේ වේගය ලකුණු 17 ඉක්මවා ගියේය.
මේ තරගාවලියේ දැනට ක්රීඩා කළ වේගවත්ම ඉනිමක් මාකස් ස්ටොනික්ගෙන් දිස් විය. ඔහු ලකුණු 59ක් නොදැවී ලැබුවේ පන්දු 18කිනි. පන්දු 18න් 10ක් හයේ සහ හතරේ පහරය. ඊට හයේ පහර 6ක් සහ හතරේ පහර 4ක් ඇතුළත් වූයේය.
158ක ඉලක්කය හඹා යෑමට පැමිණි ඔස්ට්රේලියානු ආරම්භක පිතිකරු ඩේවිඩ් වෝනර් ලකුණු 11කට දැවී ගියේය.
නායක ආරොන් ෆින්ච් එක් අන්තයක් ආරක්ෂා කරගෙන ක්රීඩා කරමින් සිටින අතර මිචෙල් මාර්ෂ් ලකුණු 18කටත්, වනිඳු හසරංග දැඩි ප්රහාරයකට ලක් කරමින් පන්දු 12ක දී ලකුණු 23ක් ලබා ගත් ග්ලෙන් මැක්ස්වෙල් අශේන් බණ්ඩාර ගේ විශිෂ්ට උඩපන්දු රැකීමක් හමුවේත් දැවී ගියේය.
ආරොන් ෆින්ච් ඉවසිලිවන්ත ඉනිමක් ක්රීඩා කරමින් සිටින අවස්ථාවේ ක්රීඩාංගනය තුළ ගිනි කෙළි හරඹයක් කළ ස්ටොනික් තරගය කලින්ම නිමා කළේය.
ආරම්භක පන්දු යවන්නාවූ බිනුර ප්රනාන්දු ආරම්භක පන්දු ඕවරයේ පන්දු පහක් යවා ආබාධයක් හේතුවෙන් පිටියෙන් පිටවිය.
ධනංජය සිල්වා පන්දු ඕවර 2.1 දී ලකුණු 18කට, චාමික කරුණාරත්න පන්දු ඕවර 3ක දී ලකුණු 21කට, මහීෂ් තික්ෂණ පන්දු ඕවර 03ක දී ලකුණු 23කට කඩුල්ල බැගින් ලැබූහ.
නවසීලන්තය හමුවේ ලද ධරුණු පරාජය ඔස්ට්රේලියානුවන් විසින් අද සමහන් කරගෙන ඇත.
ශ්රී ලංකා ඉනිමේ කතාව බලන්න..
1 ඛාණ්ඩයේ ලකුණු සටහන
