මුදල් අමාත්යාංශයේ සහකාර අධ්යක්ෂ රංග නිශාන්තගේ අභිරහස් මරණය, ඉදිරි විමර්ශන කටයුතු සඳහා විශාල බාධාවක් වනු ඇතැයි විමර්ශන අංශ සැක පළ කරයි.
ඔහුගේ මරණයත් සමඟ බොහෝ වැදගත් තොරතුරු යටපත් වීමේ අවදානමක් පවතින බව උසස් පොලිස් නිලධාරියෙකු උපුටා දක්වමින් දිනමිණ වාර්තා කර තිබේ.
රංග නිශාන්ත සිය සේවය අත්හිටුවීමට පෙර එක් වතාවක් සහ ඉන් අනතුරුව දෙවතාවක් අපරාධ පරීක්ෂණ දෙපාර්තමේන්තුව හමුවේ ප්රකාශ ලබා දී තිබුණි.
වැඩිදුර විමර්ශන සඳහා එළඹෙන සතියේ මුලදී ඔහුව නැවත කැඳවීමට අපරාධ පරීක්ෂණ දෙපාර්තමේන්තුව සූදානමින් සිටියදී මෙම මරණය සිදුව ඇත.
කෙසේ වෙතත්, තාක්ෂණික කරුණු සහ පරිවේෂණාත්මක සාක්ෂි ඔස්සේ ඉදිරි විමර්ශන අඛණ්ඩව සිදු කරන බව විමර්ශන අංශ අවධාරණය කරයි.
රටම ආන්දෝලනයට ලක් කළ මෙම සැකකටයුතු මරණය පිළිබඳ පශ්චාත් මරණ පරීක්ෂණය අද (01) පැවැත්වීමට නියමිතය. මෙය සියදිවි හානි කර ගැනීමක් ද යන්න පිළිබඳව එහිදී නිශ්චිත තොරතුරු අනාවරණය වනු ඇතැයි අපේක්ෂා කෙරේ.
මේ ලිපියත් කියවන්න…
