මනම්පිටිය නිමල් ජයරත්න –
වයස අවුරුදු තුනක සිය දියණියගේ වම් අතේ වැලමිටේ උඩ කොටස ලයිටරයකින් පිලිස්සූ එම දැරියගේ පියා වූ විසිහතර හැවිරිදි හමුදා පුද්ගලයෙක් ඊයේ (12) අත් අඩංගුවට ගත් බව දියබෙදුම පොලිසිය කියයි.
ලයිටරයකින් පිලිස්සී තුවාලත් දැරිය දියබෙදුම රෝහලෙන් පොළොන්නරුව මහ රෝහලට මාරු කර යවා ඇති බව පොලිසිය පවසයි.
දියබෙදුම අත්තනකඩවල ලිපිනයේ පදිංචි සෙබලාගේ බිරිය විසින් දියබෙදුම පොලිසියට ඊයේ (12) මේ පිලිබඳව පැමිණිලි කිරීමෙන් අනතුරුව අදාළ යුද හමුදා සෙබලා අත්අඩංගුවට ගත් බවද දියබෙදුම පොලීසිය කියයි.
අත්අඩංගුවට ගත් සෙබලා කන්තලේ සීනිපුර කාලතුවක්කු රෙජිමේන්තුවේ කඳවුරට අනුයුක්තව සේවය කරන අයෙකි. ඔහුව අද (13) හිඟුරක්ගොඩ මහේස්ත්රාත් අධිකරණයට ඉදිරිපත් කිරීමට නියමිතව ඇත.
සිද්ධිය සම්බන්ධෙන් පොළොන්නරුව ජ්යෙෂ්ඨ පොලිස් අධිකාරි නිශාන් ද සිල්වාගේ උපදෙස් මත දියබෙදුම පොලිසිය වැඩිදුර පරීක්ෂණ සිදු කරයි.
