ශ්රියානි විජේසිංහ –
ගල් වැලි පස් ඇදීමට ආරක්ෂක අංශ යෙදවීම නවත්වා ආරක්ෂක හමුදාවේ ගෞරවය ආරක්ෂා කර ගැනීමේ අමුණින් අනුරාධපුර මිහින්තලා පුද බිමේ සිටින ආරක්ෂක භටයන්ව ඉවත් කර ගැනීමට කටයුතු කළ බව ආරක්ෂක රාජ්ය ඇමති ප්රමිත බණ්ඩාර තෙන්නකෝන් කරන සඳහන අනුරාධපුරයේ ඤාණක්කා සම්බන්ධත් වලංගු දැයි සමගි ඒකාබද්ධ වෘත්තීය සමිති සන්ධානයේ සම කැඳවුම්කරු ආනන්ද පාලිත විමසයි.
කොළඹ පැවති මාධ්ය හමුවක දී ඔහු පැවසුවේ ඤාණක්කාගේ හෝටලය, ගෙදර සහ දේවාලය හැදීම සඳහා හමුදා ඒකක පිටින් සේවයේ යෙදවීම හමුදාවට කළ ගෞරවයක් දැයි ඔහු විමසා සිටියේය. මෙම ඉදිකිරීම් සඳහා යොදවනු ලැබුවේ අනුරාධපුර ගුවන් හමුදා කදවුරේ භටයන් බව ඔහු කීවේය.
ගහන්න ගහන්න වදින එකත් වදින්න වදින්න ගහන එකත් මෝඩයා බව කියන නමුත් දැන් වඳින යුගය අවසන්ව ඇති අතර දැන් එළඹ ඇත්තේ ජනතාව ගහන යුගය බවද ආනන්ද පාලිත පැවසුවේය.
