පොදුජන පෙරමුණු රජයකට ආර්ථිකය ගොඩ ගැනීමට නොහැකි බව හිටපු කෘෂිකර්ම අමාත්ය මහින්දානන්ද අලුත්ගමගේ අද (16) නාවලපිටියේදී ප්රසිද්ධියේ පිළිගත්තේය.
ඔහු එහිදී කියා සිටියේ මේ අවස්ථාවේ රටේ තිබෙන ලොකුම අභියෝගය ආර්ථිකය ගොඩ නැඟීම බවත්, එම අභියෝගය ජයගතහැකි පුද්ගලයා වර්තමාන ජනාධිපති රනිල් වික්රමසිංහ බවත් ඔහු පැවසීය.
රනිල් වික්රමසිංහ යනු 2019 ජනාධිපතිවරණයේදී ප්රධාන ප්රතිවාදියා ඉදිරිපත් කළ පක්ෂයේ නායකයාය.
මේ වසර අවසන් වන විට ආර්ථික කළමනාකරණය සිදු කර ජනතාව ආර්ථික අර්බුදයෙන් ගොඩ ගැනීමට වර්තමාන ජනාධිපතිවරයාට හැකිවේවි යැයි විශ්වාස කරන බව ද ඔහු සඳහන් කළේය. පක්ෂයක් ලෙස ඉදිරි වසර දෙකක කාලය තුළ ඉදිරියට යෑමට පක්ෂයක් ලෙසින් ඔහුට සහයෝගය දෙන බව ද පැවසීය.
“අපි පෙර වැරදි කරන්න බෑ. තරුණයින්ට අපි තැන දෙමු. අලුත් මූණු මේකට ගේමු. ප්රජාතන්ත්රවාදයෙන් වැඩ කරලා මධ්යස්ථ ඡන්ද ලබා ගමු. පෙර වැරදි හදාගෙන අපි අතර ස්වයං විවේචන කරලා නව මුහුණුවරකින් මැතිවරණයකට යන්න ඕනේ.“
“අපිට බැරිවුණා මේ ආර්ථිකය හරියට කළමණාකරණය කර ගන්න. ප්රතිඵලය විදියට ගෝඨාභය රාජපක්ෂ මහතාටත්, මහින්ද රාජපක්ෂ මහතාටත් තමන්ගේ තනතුරුවලින් ඉවත් වෙන්න වුණා. එදා හමුදාවට කිව්වා නම් වෙඩි තියන්න කියලා අරගලකරුවෝ 100ක් විතර මිය ගිහින් අර්බුදය ඉවර වෙලා. ඒත් ඔහු එහෙම කළේ නෑ.. ඒ වෙනුවට තනතුරෙන් ඉවත් වෙලා ගියා..”
වැඩිදුරටත් අදහස් දක්වමින් හිටපු අමාත්යවරයා පැවසීය.
