පාකිස්තානය සමඟ හිතකර සම්බන්ධතාවක් පවත්වාගෙන යාමට තමන් කැමති බවත් ඒ් සඳහා ත්රස්තවාදයෙන් තොර සම්බන්ධතාවක් පැවැත්වීමට පාකිස්තානය එකඟවිය යුතු බවත් ඉන්දියාව අවධාරණය කරයි.
තම අසල් වැසියා සම්බන්ධයෙන් ඉන්දියාව මෙම සුවිශේෂී ප්රකාශය සිදුකරනු ලැබුවේ ඉන්දීය විදේශ අමාත්යංශය විසින් සතිපතා පවත්වන විශේෂ මාධ්ය හමුවට අමාත්යංශ ප්රකාශක අරිදාම් බග්චී ඒක්වූ අවස්ථාවේදීය.
“අපට පකිස්ථානය සමඟ සාමාන්ය සබඳතා අවශ්යයි, එය අප සැමවිටම පැවසූ ප්රකාශයකි. නමුත් එය ත්රස්තවාදයෙන් තොර සහ හිතකර වාතාවරණයක පැවතිය යුතුය. මම හිතන්නේ ඒ කොටස සෑහෙන්න ප්රසිද්ධයි. මට ඇත්ත වශයෙන්ම විස්තර කිරීමට අවශ්ය නැත. ” යනුවෙන්ද ඉන්දීය විදේශ කටයුතු අමාතංශ්ය ප්රකාශකයා පැවසීය.
ඉකුත්දා පැවති සමුළුවකදී ඉන්දියාවේ දීර්ඝ කාලින අභියෝගයක් වන කාශ්මීර ගැටලුම සම්බන්ධයෙන් ඉන්දීය විදේශ කටයුතු රාජ්ය ඇමතිනී මීනක්ෂී ලේකී අදහස් දක්වා තිබූ අතර එහිදී ඇය පාකිස්තානයට දැඩි ලෙස දෝෂාරෝපනය කර තිබිණි. මේ සම්බන්ධයෙන් බග්චී පවසා සිටියේ, තමන් රාජ්ය අමාත්යවරියගේ ප්රකාශය සම්බන්ධයෙන් වැඩිදුරටත් අදහස් දැක්වීමක් සිදුනොකරන බවයි.
කෙසේ වෙතත් ඉන්දීය විදේශ කටයුතු රාජ්ය අමාත්යවරිය විසින් පසුගියදා පැවති සමුළුවකදී පාකිස්ථානය විසින් ඉන්දියාවට එරෙහිව දැඩි අසත්ය හා ද්වේෂසහගත ප්රචාර ප්රචාරණය කිරීම කරන බවත් එමගින් ඉන්දියව පිළිබඳ වැරදි චිත්රයක් ගෝලීය ප්රජාවට ඉදිරියේදී නිර්මාණය කරන බවද ප්රකාශ කරනු ලැබ තිබිණි.
ඉන්දියාව විසින් පසුගිය කාලයේදී ජම්මු කාශ්මීර අර්බුදය විසදීමට දැඩි වෙහෙසක් දැරූ අතර එහිදී ඉන්දිය රජය විසින් මෙතක් එම කාලපය තුල අයෝජන කිරීමට පනවා තිබූ සීමා ඉවත් කරමින් තරුණ ප්රජාවට නව රැකියා අවස්ථා උදාකර දීමට පියවර ගෙන තිබිණි.
