ඉන්දීය විදේශ අමාත්යවරිය පසුගියදා එක්සත් ජනපදයේ පැවති ජාත්යන්තර මූල්ය අරමුදලේ සහ ලෝක බැංකුවේ සාකච්ඡා අතරතරදී සුවිශේෂී ද්වීපාර්ශවීය සාකච්ඡා කිහිපයකටම එක්වූවාය.
එහිදී ඇය ආර්ථික දැවන්තයන් වන රාජ්යන් කිහිපයකම මුදල් අමාත්යවරුන් හමුවී සාකච්ඡා පැවැත්වූ අතර එහිදී ඉන්දියාව සමඟ එම රාජ්යන් පවත්වන සම්බන්ධතා ශක්තිමත් කර ගැනීමටත් ඇය සමත්වූවාය.
එම සාකච්ඡාවන් හිදී ඉන්දීය මුදල් අමාත්යවරිය එක්සත් ජාතීන්ගේ සංවිධානයේ සංවර්ධ වැඩසටහනේ සමාජිකයින්, ජාත්යන්තර මුදල් විශුද්ධීකරණ සහ ත්රස්තවාදී ක්රියවන් සම්බන්ධයෙන් විමර්ෂණ කරන ආයතනය කාර්ය සාධක බලකායේ සමාජිකයින් සහ ආර්ථික සහයෝගීතා හා සංවර්ධන සංවිධානය සමඟද සාකච්ඡා පැවැත්වූවාය.
මෙහිදී අමාත්ය සිතාරාමන් විසින් යුරොපා සංගමයේ නායකින් සහ යුරොපා කොමිසමේ ප්රධානීන් සමග ද්වීපාර්ශවීය සාකච්ඡාවන් කිහිපයක්ම පවත්වා ඇත. මීට අමතරව අමාත්යවරිය විසින් ඊජිප්තුව, භූතානය, නෙදර්ලන්තය, සෞදි ආරබිය, දකුණු කොරියාව සමඟද ද්වීපාර්ශවීය සාකච්ඡා පවත්වා තිබීමද විශේෂත්වයකි.
අමාත්ය සිතාරාමන් සහ භූතාන මුදල් අමාත්යවරයා අතර පැවති ද්වීපාර්ශවීය සාකච්ඡාවදී ඉන්දියාව විසින් භූතානය අතර ද්වීපාර්ශවීය සම්බන්ධතා පුළුල් කිරීමට දැඩි උනන්දුවක් දක්වන බවද ප්රකාශ කර තිබේ. එහිදී අමාත්යවරිය විසින් පෙන්වාදී ඇත්තේ භූතානය තුල ජල විදුලි ව්යාපෘති සඳහා සහ කොරෝනා වැලැක්වීමට අවශ්ය සහය ලබාදීමට ඉන්දියාව සූදානම් බවයි.
මේ සම්බන්ධයෙන් ඉන්දීය රජය ප්රකාශ කර ඇත්තේ ඉන්දියාව භූතානය සමඟ සිය ද්වීපාර්ශවීය සම්බන්ධතා වර්ධනය කර ගැනීමට සූදානම් බවත් එමහිදී භූතානයට අවශ්ය ඕනෑම සහයක් ලබාදීමට ඉන්දියාව සූදානම් බවයි.
කෙසේ වෙතත් භූතානයට පසුගිය කාලය පුරාවටම චීනයේ දැඩි බලපෑම් එල්ලවූ අතර එරට ආරථික කටයුතු වලටද දැඩි බලපෑමක් එල්ලවිය. ඒ අනුව ඉන්දියාව සහ චීනය අතර පවතින මතභේදාත්මක සම්බන්ධා වලන් වැඩි වාසියක් ලබා ගැනීමට ඉන්දියාව මෙලෙස භුතානයට එක්වීමට හේතුවක් විය හැකිය.
