දිනසේන රතුගමගේ –
තලෙයිමන්නාරමේ සිට ඉන්දියාවට ප්රවාහනය කරමින් තිබූ රුපියල් කෝටි 15 ක් පමණ වටිනා රත්ත්රන් බිස්කට් කිලෝ ග්රෑම් 4. 634 ක් සමග සැකකරුවකු ඉන්දියාවේ ට්රිචී රේගුවේ බුද්ධි අංශයේ නිලධාරීන් පිරිසක් විසින් ඊයේ ( 3 ) අත් අඩංගුවට ගෙන තිබේ.
මන්නාරමේ පදිංචිව සිට දැනට ඉන්දියාවේ රාමනාදන්පුරම් ප්රදේශයේ තාවකාලිකව පදිංචිව සිටින මෙම සැකකරු අදාල රත්තරන් තොගය රන් බිස්කට් හා රන් කැබලි වශයෙන් කොටස් 916 ක් වන ලෙස ගෝනිවල අසුරා තිබූ බව ට්රිචී රේගු නිලධාරීන් ඉන්දීය මාධ්යයට ප්රකාශ කළහ.
නීති විරෝධී රත්තරන් තොගය තලෙයිමන්නාරමේ සිට ඉන්දියාවට රැගෙන ගිය සැකකරු විසින් තනිවම බෝට්ටුව ඉන්දියාවට පදවා ගෙන ගිය බවට තොරතුරු ලැබී ඇතැයි ට්රිචී රේගු නිලධාරී සදහන් කොට සිටියහ
ඔහු මෙම රත්තරන් තොගය රැගෙන ගිය බෝට්ටුව ට්රිචී පම්බන් වරායට රැගෙන යන විට ඔහුව හමුවීමට තවත් පුද්ගලයෙකු යතුරු පැදියකින් පැමිණ ඇති අතර රේගු නිලධාරීන් දැකීමත් සමගම ඔහු යතුරු පැදිය අතහැර පලා ගොස් තිබේ.
රේගු නිලධාරීන් විසින් එම යතුරු පැදියද අත් අඩංගුවට ගෙන ඇත.
අත් අඩංගුවට ගත් සැකකරු රත්තරන් හා යතුරු පැදිය වැඩිදුර පරීක්ෂණ සිදු කිරීම සදහා රාමේෂ්වරම් පොලීසිය වෙත බාර දී තිබේ.
