කිර්ති ප්රනාන්දු -.
හිටපු සෞඛ්ය සේවා අධ්යක්ෂ ජනරාල් මෙන්ම වත්මන් පරිසර අමාත්යාංශ ලේකම් විශේෂඥ වෛද්ය අනිල් ජාසිංහ දකුණු කොරියාවේ පැවැත්වෙන පරිසර සමුළුවකට සහභාගී වීම සඳහා කටුනායක ගුවන් තොටුපලට පැමිණිය ද කොවිඩ් එන්නත්කරණය තහවුරු කළ කාර්ඩ් පත නොමැති වීම හේතුවෙන් ගුවන් යානයට ගොඩවීම වැළැක්වීමට කටුනායක ගුවන්තොටුපල බලධාරීන් කටයුතු කර තිබේ.
ඊයේ (03) රාත්රියේ ගුවන්තොටුපලට පැමිණි විශේෂඥ වෛද්ය අනිල් ජාසිංහ රාත්රී 8.30ට එක්සත් අරාබි එමීර් රාජ්යය ඔස්සේ දකුණු කොරියාවට යෑම සඳහා එමිරේට්ස් ගුවන් සේවයේ EK 653 දරන ගුවන් යනායෙන් ගුවන්ගත වීම සඳහා ගුවන්තොටුපලට පැමිණ ඇත.
එහිදී ගුවන් යානයට ගොඩවීමට පෙර තමන්ගේ එන්නත්කරණය තහවුරු කළ කාර්ඩ්පත පෙන්වීමට සිදු වී තිබේ. එහෙත් ඔහු එන්නත්කරණ කාර්ඩ්පත රැගෙන ඇවිත් නැත.
කාර්ඩ්පත නොමැතිව ගුවන් යානය වෙත ගොඩවීමට කිසිවෙකුට අවසර නැත. කිසිම රටක ගුවන් තොටුපලකින් එම කාර්ඩ්පත නැතිව පිටවිය නොහැකිය. ගුවන්තොටුපල නිලධාරීන් අපට තහවුරු කළේ විදේශයක ගුවන් තොටුපලකින් පිටවීම සඳහා මෙය අනිවාර්ය බවය.
අනතුරුව විශේෂඥ වෛද්ය අනිල් ජාසිංහ එන්නත්කරණය තහවුරු කළ කාර්ඩ්පතේ පිටපතක් ස්වකීය ජංගම දුරකථනයට ගෙන්වාගෙන ගුවන්තොටුපල වෙත ඉදිරිපත් කළ විට ගුවන් යානයට ගොඩවීමට අවසර ලැබී ඇත.
