නව ජනාධිපතිවරයකු තෝරා පත් කර ගැනෙන ජනාධිපති නිලවරණය පැවැත්වෙන ලබන 20 වැනිදා බදාදා පාර්ලිමේන්තුවට පැමිණෙන මනත්රිවරුන් සඳහා විශේෂ ආරක්ෂාවක් සලසා දීමට මේ වනවිට පියවර ගෙන ඇති බව ආරක්ෂක ආරංචි මාර්ග සඳහන් කරයි.
මෙම නිලවරණය සඳහා ඡන්දය ප්රකාශ කිරීමට සෑම මන්ත්රිවරයකුගේම පැමිණිම අපේක්ෂා කරන අතර පිට පළාත්වල සිටින මන්ත්රිවරුන්ට ඊට කලින් දිනයේ හෝ දිනයක කොළඹට පැමිණෙන ලෙසද මේ වනවිට උපදෙස් ලැබී තිබේ.
මේ සම්බන්ධයෙන් මහජන ආරක්ෂාව පිළිබඳව අමාත්යංශ ගත යුතු අදාළ පියවර පිළිබඳව පොලිසියට නියෝග ලබා දී ඇති අතර පාර්ලිමේන්තු මන්ත්රිවරුන් අතරින් වැඩි ම තර්ජනයක් පවතින මන්ත්රිවරුන් සම්බන්ධයෙන් යම් ඇගයීමක් සහ තක්සේරුවක් කරන ලෙසටද උපදෙස් ලාබී ඇත. ඊට අනුකූල ලෙස අවශ්ය ආරක්ෂාව දෙන්නැයි ද නියෝග කර තබේ.
මේ වනවිට මන්ත්රිවරුන් බොහොමයක් අප්රකට ජීවිතයක් ගත කරන අතර ඔවුන් බොහෝ දෙනකු තමන් ගමන් බිමන් යන සුපුරුදු වාහනද අතහැර ජනතාවට හඳුනාත නොහැකි ලෙසින් පැරණි වාහන හෝ සමාන්ය වාහනවල ගමන් බිමන් යාම කෙරෙහිද අවධානය යොමු කර ඇත.
විශේෂයෙන් රජයට සම්බන්ධ සහ සම්බන්ධව සිටි පත්ෂවල මන්ත්රිවරුන් මෙලෙස පවතින තර්ජන හේතුවෙන් අප්රකට ජීවිත ගත කරන අතර අත්යවශ්යම මොහොතක හැරෙන්නට පොදු කටයුතුවලටද සහභාගී නොවන තත්ත්වයක් රට පුරා නිර්මාණය වී ඇතැයි මෙම ආරක්ෂක ආරංචි මාර්ග සඳහන් කළේය.
