සිරගතව සිටින හිටපු පාර්ලිමේන්තු මන්ත්රී රන්ජන් රාමනායක නිදහස් කිරීම සඳහා ඊට අදාල වාර්තා බන්ධනාගාර දෙපාර්තමේන්තුව මගින් අධිකරණ අමාත්යාංශය වෙත අද පෙරවරුවේ යවා ඇත.
රන්ජන් නිදහස් කිරීම සම්බන්ධව සලකා බැලීමට අදාල ලිපි ලේඛණ ඉදිරිපත් කරන ලෙස අධිකරණ ඇමති විජේදාස රාජපක්ෂ විසින් බන්ධනාගාර කොමසාරිස්වරයා වෙත කළ දැනුම් දීමකට අනුව ඊට අදාල වාර්තා අධිකරණ අමාත්යාංශයට යවා තිබේ.
අධිකරණයට අපහාස කිරීමේ චෝදනාව මත වසර හතරකට බරපතල වැඩ ඇතිව සිරගත කළ රන්ජන් රාමානයක නිදහස් කිරීමට පියවර ගන්නා ලෙස වත්මන් ආණ්ඩුවේ අමාත්යවරුන් වන මනුෂ නානායක්කාර සහ හරීන් ප්රනාන්දු විසින් පසුගිය දා වැඩබලන ජනාධිපති රනිල් වික්රමසිංහ ගෙන් ඉල්ලීමක් කර තිබිණි.
රන්ජන් රාමනායක ජනාධිපති සමාව යටතේ නිදහස් කිරීම සම්බන්ධව ජනාධිපති නීතිඥවරුන් කිහිපදෙනෙකුගෙන් ලංකාසර කළ විමසීමක දී ඔවුන් කියා සිටියේ නිදහස් කිරීමේ කටයුතු ලිපි ලේඛණ ලැබූ පමණින් සිදු කළ නොහැකි බවය.
ඒ සම්බන්ධව විනිශ්ඡයකාරවරුන් සමග ද සාකච්ඡා කළ යුතුව ඇති බව ඔවුහු කීහ.
