ශ්රියානි විජේසිංහ –
මහරගම අපේක්ෂා රෝහලට අවශ්ය යැයි පවසමින් Tomo -Therapy සහ Linear Accelerators යන්ත්ර දෙක මිලදි ගැනීමට මේ වන විට මුදල් ආධාර එකතු කිරිමේ වැඩ පිළිවෙළක් ක්රියාත්මකව පවතින බව ද ඒ සඳහා කිසිදු ආධාරයක් නොකරන්නැයි ඉල්ලා සිටින බව ද අපේක්ෂා රෝහලේ අධ්යක්ෂ විශේෂඥ වෛද්ය අරුණ ජයසේකර මහජනතාවට දැනුම් දී සිටියි.
මෙම මුදල් එකතු කිරිමේ වැඩ සටහන නතර කර වසර 4ක පමණ කාලයක් ගත වෙන නමුත් එක්තරා කණ්ඩායමක් මුදල් එකතු කිරීමේ වැඩසටහනක් ක්රියාත්මක කරන බව අධ්යක්ෂවරයා පැවසුවේය.
මීට පෙර අපේක්ෂා රෝහලට පෙට් ස්කෑන් යන්ත්රයක් මිලදී ගැනීමට රුපියල් කෝටි 20ක මුදලක් ජනතාවගෙන් එකතු කර එය යන්ත්රය මිලදි ගත් නමුත් Tomo -Therapy සහ Linear Accelerators යන්ත්ර දෙක මිලදි ගැනීමට රුපියල් කෝටි 100ක මුදලක් අවශ්ය වන බව අධ්යක්ෂවරයා පැවසුවේය.
නමුත් එම ව්යාපෘතිය සඳහා එකතු වී ඇත්තේ කෝටි 20ක් වැනි මුදලක් බැවින් මුදල් එකතු කිරීමට වහාම නතර කරන ලෙස අදාල පුද්ගලයින්ට දැනුම් දුන් නමුත් ඔවුන් එම වැඩපිළිවෙළ දිගටම කරගෙන යන බව අධ්යක්ෂවරයා පැවසුවේය.
මෙම ගිණුම සෞඛ්ය අමාත්යංශය යටතේ පවතින බැවින් එයට එකතු වූ රුපියල් කෝටි 20ක මුදලක් බවත් එම මුදලින් CT Simulator යන්ත්රයක් මිලදී ගැනීමට කටයුතු යොදා ඇති බවද අධ්යක්ෂවරයා ලංකාසර කළ විමසුමකදි පැවසුවේය.
එම නිසා මෙම ගිණුමට තව දුරටත් මුදල් ආධාර අනවශ්ය යැයි ද අධ්යක්ෂවරයා පැවසුවේය.
කෙසේ නමුත් අධ්යක්ෂවරයා වැඩි දුරටත් ලංකාසර වෙත පැවසුවේ මෙම ව්යාපෘතියේ මූලිකයාව කටයුතු කරන පුද්ගලයා නව සෞඛ්ය ඇමතිවරයෙක් බලයට පත් වූ වහාම මෙම ව්යාපෘතිය කරලියට රැගෙන එන බවකි.
