ජයකාන්ත ලියනගේ – බළපිටිය
හිටපු මැතිවරණ කොමසාරිස් මහින්ද දේශප්රියගේ අම්බලන්ගොඩ, පෝරඹ පිහිටි නිවසට ඇතුළු වූ සොර කණ්ඩායමක් විසින් නිවසේ තිබූ දේපල රැසක් සොරකම් කර තිබෙන බව අම්බලන්ගොඩ පොලීසිය කියයි.
ඊයේ (23) සවස දෙකට පමණ මහින්ද දේශප්රිය සිය බිරිද සමග අම්බලන්ගොඩ නිවසට පැමිණ තිබෙන බවත් ඒයින් පසු මේ තත්ත්වය දැක අම්බලන්ගොඩ පොලීසියට පැමිණිලි කළ බවත් අම්බලන්ගොඩ පොලීසියේ ප්රකාශකයෙක් සදහන් කළේය.
වර්ණ රූපවාහිනී යන්ත්රයක්, ගෑස් සිලින්ඩර් 02 ක් සහ වටිනා අත් ඔරලෝසු 04 ක් මෙසේ සොරකම් කර තිබෙන බව මහින්ද දේශප්රිය විසින් කරන ලද පැමිණිල්ලේ සඳහන් වේ.
තමා, සිය බිරිය සහ දරුවන් සමග කොළඔ ප්රදේශයේ ජීවත් වන බවත් වරින් වර අම්බලන්ගොඩ නිවසට පැමිණ යන බවත් ඔහු විසින් කරන ලද පැමිණිල්ලේ සදහන් වේ. ඒ ආකාරයෙන් ඊයේ (23) සවස 02 ට පමණ සිය බිරිදද සමග නිවසට පැමිණි බවත් එවිට නිවස සොරු කඩා තිබෙන අයුරු දුටු බවත් පැමිණිල්ලේ වැඩි දුරටත් සදහන් වේ.
නිවසේ ඉදිරිපස දොර කඩා සොරුන් නිවසට ඇතුල් වී තිබෙන බව පරීක්ෂණ වලදී තහවුරු වූයේ යැයි අම්බලන්ගොඩ පොලීසිය කියයි. සිද්ධිය සම්බන්ධයෙන් තව දුරටත් පරීක්ෂණ පවත්වන බවත් මෙතෙක් කිසිවකු අත් අඩංගුවට ගෙන නොමැති බවත් අම්බලන්ගොඩ පොලීසියේ ප්රකාශකයෙක් සදහන් කළේය.
අම්බලන්ගොඩ මූලස්ථාන පොලිස් ස්ථානාධිපති ප්රධාන පොලිස් පරීක්ෂක ප්රසන්න ඇල්ගිරියගේ ගේ මෙහෙයවීම මත අපරාධ අංශයේ ස්ථානාධිපති පොලිස් පරීක්ෂක ඉසුරු පතිජීව ඇතුළු නිලධාරීන් පිරිසක් වැඩිදුර පරීක්ෂණ පවත්වයි.
