රටට රහසිගතව ඊයේ සවස කටුනායක ගුවන්තොටුපලට ගොඩබස්වනු ඇමෙරිකානු ගුවන් හමුදාවට අයත් විශේෂ ගුවන් යානා දෙක අද (15) පස්වරුවේ යළි පිටත් වී ගොස් තිබේ..
මෙම ගුවන් යානා දෙක සම්බන්ධව ඇමරිකානු තනාපති කාර්යාලයෙන් කළ විමසීමේ දී ඔවුන් මාධ්ය වෙත අදහස් ප්රකාශ කිරීමෙන් වැළකි සිටියේය.
කටුනායක ජාත්යන්තර ගුවන්තොටුපල ආරංචි මාර්ග පැවසුවේ මෙම විශේෂ ඇමරිකානු ගුවන් හමුදා ගුවන් යානා දෙක ග්රීසියේ ඇමරිකානු හමුදා කඳවුරක සිට ශ්රී ලංකාවට පැමිණ තිබුණු බවය.
එක් ගුවන් යානයක් අඟහරුවාදා (14) සවස 6:58 ට ශ්රී ලංකාවට ගොඩබස්වන ලද අතර, අනෙක් යානය එදිනම රාත්රී 7:10 ට ගොඩබස්වා තිබිණි.
මෙම ගුවන් යානා C-17 Globe masters ගුවන් යානා බව හඳුනාගෙන ඇත.
භට පිරිස් සහ සියලු වර්ගවල භාණ්ඩ ප්රධාන මෙහෙයුම් කඳවුරු වෙත හෝ සෘජුවම ඉදිරි කඳවුරු වෙත කඩිනමින් උපාය මාර්ගිකව බෙදා හැරීමේ හැකියාවක් C-17 Globe masters යානා සතුව තිබේ.
ඇමරිකා එක්සත් ජනපදයේ ඉහළ පෙළේ නියෝජිත පිරිසක් ඇතුළු පුද්ගලයින් 29 දෙනෙකු මෙම ගුවන් යානාවලට පැමිණි බව වාර්තා විය.
මෙම පිරිස් කටුනායක කොළඹ අධිවේගී මාර්ගයේ ගමන් ගන්නා විට මාර්ගය මුලුමනින්ම සාමාන්ය මගී ජනතාව වෙත වසා දැමිණි.
දූත පිරිසට ඉන්දු පැසිෆික් ආරක්ෂක කටයුතු පිළිබඳ එක්සත් ජනපද ප්රධාන නියෝජ්ය සහකාර ආරක්ෂක ලේකම් ජෙඩිඩියා රෝයල් ද ඇතුළත් බව ඩේලි මිරර් වාර්තා කර තිබුණි.
මේ ලිපියත් කියවන්න
ප්රහාරක ජෙට් යානාවක සහ යුධ නෞකාවක ආරක්ෂාව සහිතව අති විශේෂ ඇමරිකානු දූත පිරිසක් දිවයිනට…
