ඉදිරියේදී පෙර පාසල් අධ්යාපනයේ යෙදීමට අවසර ලබාදෙන්නේ රජය විසින් නියම කර ඇති සුදුසුකම් සහිත සුදුසුකම් ලත් ගුරුවරුන්ට පමණක් බව අධ්යාපන අමාත්ය ආචාර්ය සුසිල් ප්රේමජයන්ත පවසයි.
අමාත්යවරයා මේ බව පැවසුවේ බෝමිරිය ජාතික පාසලේ ආර්ථික දුෂ්කරතා ඇති දරුවන් ලක්ෂයකට නොමිලේ පාසල් පොත් ලබාදීමේ ජාතික වැඩසටහනේ සමාරම්භක අවස්ථාවට සහභාගි වෙමිනි.
“රට පුරා විසිරී ඇති විවිධ පෙර පාසල් 19,000ක පෙර පාසල් ගුරුවරුන් 40,000කට පමණ ඉදිරියේදී නිශ්චිත පුහුණුවක් සහ ඩිප්ලෝමාවක් ලබා දෙන බවත් පෙර පාසල් ආරම්භ කිරීමට අවසර ලබා දෙන්නේ එවැනි සුදුසුකම් ඇති ගුරුවරුන්ට පමණක් බවත් එහිදී අමාත්යවරයා පැවසීය.
ප්රාථමික අධ්යාපනයේ පදනම වන පෙර පාසල් අධ්යාපනය කෙරෙහි විශේෂ අවධානයක් යොමු කිරීම අත්යාවශ්ය බව සභාව අමතමින් අමාත්යවරයා පැවසීය.
ජපන් අධ්යාපන ක්රමයේ පෙර පාසල් අධ්යාපනයට ප්රමුඛත්වය දෙන බවත් එය දරුවෙකුගේ අනාගත අධ්යාපනයට පදනම දමන බවත් ඔහු පැවසීය.
පෙර පාසල් ශක්තිමත් කිරීම තුළින් ප්රාථමික අධ්යාපන සංවර්ධන ඉලක්ක සපුරා ගැනීමට හැකිවන බව ද කී අමාත්යයවරයා උසස් පෙළ විභාගයෙන් පසු සිසුන්ට මාස හයක කාලයක් වෘත්තීය පුහුණුව ලබාදීමේ නියමු වැඩසටහනක් 2024 වසරේ සිට ආරම්භ කරන බවද ඔහු සඳහන් කළේය.
