ඊයේ පාර්ලිමේන්තුව අසල ඇතිවූ ගැටුමේ දී ප්රචණ්ඩකාරීන් පිරිසක් ගැටුම වැලැක්වීමට ඉදිරියට පැමිණි යුද හමුදා නිලධාරීන් දෙදෙනෙකුකට සිහි සුන්වනතුරු අමානුෂිකව පහර දී ටී56 ගිනි අවි දෙකක් සහ පතොරෙම් ගැබ් සොරාගෙන ඇති බව යුද හමුදා මාධ්ය ප්රකාශක බ්රිගේඩියර් නිලන්ත ජයවර්ධන පවසයි.
මෙම ගිනි අවි භාවිතයෙන් ප්රචණ්ඩත්වය පැතිරවිය හැකි බැවින් ඒ සම්බන්ධව අවධානයෙන් සිටින ලෙස ඔහු ජනතාවගෙන් ඉල්ලා සිටී.
මාධ්ය ප්රකාශකවරයා මාධ්ය හමුවේ වැඩිදුරටත් මෙසේ ද ප්රකාශ කළේය.
ඊයේ සවස පාර්ලිමේන්තු වටරවුම හා ඒ අවට ප්රදේශයන්හි ප්රචණ්ඩකාරී ලෙස හැසිරුණු පිරිසක් විසින් ආරක්ෂක සමග ගැටුමක් ඇති කරගැනීමට උත්සාහ කළ අවස්ථාවේදී එය පාලනය කිරීමට ඉදිරියට ගිය හමුදා සෙබලුන් දෙනෙක්හට ඉතා ධරුණු සහ අමානුෂික ලෙස යකඩ මුගුරු පොලු වලින් සිහි සන් නැතිවනතුරු පහර දීමෙන් පසු එම සෙබලුන් සතුව තිබූ ටී 56 ගිනි අවි දෙකක් එම අවිවලට අයත් පතරොම් ගැබ් සමග පැහැරගෙන තිබෙනවා.
එම සෙබලුන්ගෙ හිසට සහ මුහුණට දැඩි පහර එල්ල කළ ඔවුන් ඉතා අසාධ්ය තත්ත්වයේ පසුවන අතර ඔවුන් රෝහල්ගත කර ප්රතිකාර ලබා දෙනවා.
මෙසේ පැහැරගනු ලැබූ ගිනි අවි භාවිතා කර ප්රචණ්ඩත්වය තව දුරටත් පැතිරවීමේ හැකියාවක් ඇති බැවින් මහජනතාව මේ පිළිබඳව දැනුම්වත්වන ලෙස කාරුණිකව ඉල්ලා සිටිනවා.
වැඩිදුර කියවන්න…
පැතුම් කර්නර්… ඊයේ පාර්ලිමේන්තුව ලඟ කළ විනාශයට නුඹ තනිව වගකිව යුතුයි… ගෝඨාගෝගම අරගලකරුවෝ කියති..
