සෞඛ්ය වෘත්තීය සමිති 72ක් සම්බන්ධවි අද දියත් කළ සංකේත වර්ජනය හෙට දිනයේදීත් පැවැත්වෙන බව සෞඛ්ය වෘත්තීය සමිති සන්ධානය නිවේදනය කරයි.
එම නිවේදනයේ දැක්වෙන්නේ සමස්ථ සෞඛ්ය කාර්යය මණ්ඩලයට ආර්ථික යුක්තිය ඉටුකිරීම වෙනුවෙන් සෞඛ්ය පරිපාලනය හරහා සමානාත්මතාවය සහ සාධාරණය ඉටු කරවා ගැනීම අරමුණු කරගෙන අද (01) දින උදෑසන 06.30 සිට සංකේත වෘත්තීය ක්රියාමාර්ගයකට අවතීර්ණ වීමට තීරණය කළ බවත් එම සංකේත වෘත්තීය ක්රියාමාර්ගයේ අඛණ්ඩ භාවය හා ඉදිරි කටයුතු සෞඛ්ය බලධාරීන්ගේ ප්රතිචාර මත තීරණය වන බවත්ය.
මෙම සංකේත ක්රියාමාර්ගය වලදිත් වර්ජනය අවසන් කර සාකච්ඡා හරහා විසඳුම් ලබා ගැනීමට උපරිම උත්සහ කළද, සෞඛ්ය අමාත්යාංශය හා මුදල් අමාත්යාංශය පාර්ශවයෙන් ඊට කිසිඳු සහයෝගය නොලැබීම මත වෘත්තීය ක්රියාමාර්ගය 2024.02.02 දින දක්වා දීර්ඝ කිරීම අප විධායක මණ්ඩලය ඒකමතිකව තීරණය කළ බව ඉන් දන්වා ඇත.
එම නිවේදනය පහත දැක්වේ.
මගේ අංකය: HSTUA/Gen/2024 (11)
දිනය: 2024.02.01
වෛද්ය පී.ජී. මහීපාල මහතා
ලේකම්
සෞඛ්ය අමාත්යාංශය
“සුවසිරිපාය”
කොළඹ 10
සමස්ථ සෞඛ්ය කාර්යය මණ්ඩලයට ආර්ථික යුක්තිය ඉටුකිරීම වෙනුවෙන් දීමනාවක් ලබා ගැනීම.
උක්ත කරුණ සබැඳිව අප විසින් යොමු කරන ලද අංක HSTUA/Gen/2024 (07) දරණ 2024.01.30 දිනැති ලිපියට වැඩිමනක් වශයෙනි,
ඒ අනූව සමස්ථ සෞඛ්ය කාර්යය මණ්ඩලයට ආර්ථික යුක්තිය ඉටුකරවා ගැනීමේදී සෞඛ්ය පරිපාලනය හරහා සමානාත්මතාවය සහ සාධාරණය ඉටු කරවා ගැනීම අරමුණු කරගෙන 2024.02.01 දින උදෑසන 06.30 සිට සංකේත වෘත්තීය ක්රියාමාර්ගයකට අවතීර්ණ වීමට තීරණය කළ අතර එම සංකේත වෘත්තීය ක්රියාමාර්ගයේ අඛණ්ඩ භාවය හා ඉදිරි කටයුතු ඔබ පාර්ශ්වයේ ප්රතිචාර මත තීරණය වන බවත් දන්වා සිටින ලදී.
මින් පෙර පැවැත්වූ සාකච්ඡා වලට අදාල එකඟතා ක්රියාත්මක නොවීම හා වැඩිදුර සාකච්ඡා සිදුකිරීම සඳහා ගත් උත්සහයන් අසාර්ථක වීම මත දෙවන වතාවටත් සිදුකල මෙම සංකේත ක්රියාමාර්ගය තුලදීත් වර්ජනය අවසන් කර සාකච්ඡා හරහා විසඳුම් ලබා ගැනීමට උපරිම උත්සහ කළද, සෞඛ්ය අමාත්යාංශය හා මුදල් අමාත්යාංශය පාර්ශවයෙන් ඊට කිසිඳු සහයෝගය නොලැබීම මත වෘත්තීය ක්රියාමාර්ගය 2024.02.02 දින දක්වා දීර්ඝ කිරීමට අප විධායක මණ්ඩලය ඒකමතිකව තීරණය කල බවත් ඒ අනූව සෞඛ්ය වෘත්තීය සමිති 72 ක් ඒකාබද්ධව සෞඛ්ය අමාත්යාංශයීය හා දේශීය වෛද්ය අමාත්යාංශයීය රෝහල් හා සියළු සෞඛ්ය ආයතන යටතේ වන 100,000 කට අධික සෞඛ්ය කාර්යය මණ්ඩලයේ සහභාගීත්වයෙන් සිදුවන වර්ජන ක්රියාමාර්ගය හෙට දිනයේද පැවැත්වීමට කටයුතු කරන බවත් කාණගාටුවෙන් යුතුව දන්වා සිටිමු.
කෙසේ නමුත් රෝගීන් පත්වන දැඩි අපහසුතාවය සැලකිල්ලට ගෙන පෙර පරිදිම මෙම වෘත්තීය සමිති ක්රියා මාර්ගය තුලදීත් සියළුම ළමා රෝහල්, සියළු පිළිකා රෝහල්, සියළු මාතෘ රෝහල්, සියළු වකුගඩු රෝහල්, මධ්යම ලේ බැංකුව යන ආයතන තුල ස්වේච්ඡා පදනම මත අදාල සේවාවන්ට අනන්ය වන අයුරින් සේවා සැපයීමට කටයුතු කරන බවත්, අනෙකුත් සියළුම රෝහල් වල ජීවිත අවධානමට හා ජීවිතාරක්ෂාවට අදාල හදිසි සහ අත්යාවශ්ය සේවා පමණක් සැපයීමට කටයුතු කරන බවත් දන්වමි.
ස්තුතියි
මෙයට විශ්වාසී
කැඳවුම්කාර මණ්ඩලය
