පොලොන්නරුව මඩකළපුව ප්රධාන මාර්ගයේ වැලිකන්ද පුල්ලියාරඅඩි ප්රදේශයේදී ඉකුත් දෙවෙනිදා රිය අනතුරුක් සිදුකර යතුරුපැදි කරුවකුට බරපතළ තුවාල සිදුකර පළාගිය මඩකලපුව මහ රෝහලේ වෛද්යවරයකු ඔහු පැදවූ වායහනත් සමග අද (05) අත්අඩංගුවට ගත් බව වැලිකන්ද පොලීසිය කියයි.
ඉකුත් දෙවැනිදා රාත්රී 9. 45 ට පමණ යතුරුපැදිකරු වැලිකන්දේ සිට අසේලපුර දක්වා ගමන් කරමින් සිටියදී මඩකලපුව සිට පොළොන්නරුව බලා කාර් රථයේ ගමන් කරමින් සිටි අදාළ වෛද්යවරයා මෙම යතුරුපැදිකරු අනතුරට ලක්කර පලා ගොස් ඇති බව මූලික පරීක්ෂණවලදි තහවුරු වී ඇති බව වැලිකන්ද පොලිස් ස්ථානාධිපති පොලිස් පරීක්ෂක සමන්ත රත්නායක අප කළ විමසීමකදී සඳහන් කළේය.
අත්අඩංගුවටගත් සැකකාර වෛද්යවරයා මඩකලපුව මහ රෝහලේ සේවය කරන අවුරුදු තිස්අටක් පමණ වයසැති අයෙකි. ඔහු තිඹිරියාය නිකවැරටිය ලිපිනයේ පදිංචි අයෙකු බවද පොලිසිය කියයි.
මෙම අනතුරෙන් බරපතල තුවාල ලබා ඇත්තේ වැලිකන්ද අසේලපුර අංක 285 ලිපිනයේ පදිංචිව සිටි 26 හැවිරිදි නුවන් ශාන්ත නැමැති තරුණයෙකි.
කාර්, යතුරුපැදි අනතුරෙන් බරපතල තුවාල ලැබූ ඔහු පොළොන්නරුව මහ රෝහලේ 12 වාට්ටුවේ ප්රතිකාර ලබන බවද පොලිසිය සඳහන් කරයි.
අනතුරු සිදුවීමෙන් පසු විනාඩික පමණ කාලයක් යතුරුපැදිකරුගේ ඉදිරියෙන් කාර්රථය නවතා තිබෙන අයුරු මාර්ගයේ ගමන් ගත් ලොරිරථ රිය දුරෙකු දැක ඇත. වාහනයේ අංකය ලබා දෙමින් ඒ පිළිබඳ රියදුරු වැලිකන්ද පොලිසියට දන්වා ඇත.
ඒ අනුව පරීක්ෂා කළ වැලිකන්ද පොලිසිය මෝටර් රථ ප්රවාහන කොමසාරිස් දෙපාර්තමේන්තුවෙන් ලබාගත් තොරතුරු අනුව අදාළ කාර් රථය පොලොන්නරුව වෛද්යවරයෙකුගේ බවට සනාථ කරගෙන ඇත.
වැලිකන්ද පොලිස් ස්ථානාධිපති පොලිස් පරීක්ෂක සමන්ත රත්නායක ගේ උපදෙස් පරිදි ,වැලිකන්ද රථවාහන අංශයේ ස්ථානාධිපති පොලිස් පරීක්ෂක හේරත්, පොලිස් සැරයන් 61315 නලීන් ,පොලිස් සැරයන් 65215 අබේරත්න, පොලිස් කොස්තාපල් 74548 ජයවීර,යන පොලිස් නිලධාරීන් ඇතුළු පොලිස් කණ්ඩායමක් මෙම අනතුර පිළිබඳ වැඩිදුර විමර්ශන සිදු කරයි.
සම බරව ඇත්ත කියන ලංකාසර පුවත් ඔබට සෑම විටෙක දැකීමට ඕනෑ නම් පහත අපේ වට්ස්ඇප් / ටෙලිග්රෑම් සමූහයන්ට එක්වෙන්න.
අත්අඩංගුවටගත් වෛද්යවරයා, අනතුරක් සිදුකර පලා යෑම, රෝගියා රෝහල වෙත රැගෙන නොයාම, ඇතුළු චෝදනා කිහිපයක් යටතේ 05 වෙනිදා පොලොන්නරුව මහේස්ත්රාත් අධිකරණයට ඉදිරිපත් කර නඩු පැවරීමට පියවර ගන්නා බවද වැලිකන්ද පොලිස් ස්ථානාධිපති පොලිස් පරීක්ෂක සමන්ත රත්නායක අප කළ විමසීමකදී සඳහන් කළේය.
