හිටපු රාජ්ය අමාත්ය සනත් නිශාන්තගේ මරණය සිදුවූ ආකාරය සැක සහිත යැයි පවසමින් හිටපු අමාත්යවරයාගේ බිරිය වූ නීතිඥ චමරි ප්රියංකා අපරාධ පරීක්ෂණ දෙපාර්තමේන්තුව වෙත අද (7) දින සිදුකර තිබිණි.
ඇය එම පැමිණිල්ල ඉදිරිපත් කරමින් අනතුර සම්බන්ධව නිරාකරණය කරගත යුතු සුවිශේෂී කරුණු කාරනා කීපයක් ලිඛිතව ඉදිරිපත් කර තිබේ. එම සැක කටයුතු කාරණා නිරාකරණය කරගැනීම සඳහා විමර්ශනයක් පවත්වන ලෙස ඇය අපරාධ පරීක්ෂණ දෙපාර්තමේන්තුවෙන් ඉල්ලා ඇත.
ඇමතිවරයාගේ රියදුරා අනතුර සිද්ධ වීමට දින කීපයකට පෙර පළ කළ සමාජ මාධ්ය සටහනක් සම්බන්ධව අපරාධ පරීක්ෂණ දෙපාර්තමේන්තුවේ විශේෂ අවධානය යොමු වි තිබුණේ ඇමතිවරයාගේ බිරිය මෙම පැමිණිල්ල කිරීමටත් පෙරය.
මේ සිද්ධිය මත අනතුරින් පසු රියදුරා අත් අඩංගුවට ගෙන දුරකථනය අපරාධ පරීක්ෂණ දෙපාර්තමේන්තුව භාරයට ගත් අතර විමර්ශනයට අදාලව ඔහුව වැලිසර උසාවියට ඉදිරිපත් කිරීමෙන් පසු රක්ෂිත බන්ධනාගාරගත කළේය. පෙරේදා (05) ඔහුට අධිකරණය ඇප නියම කළේය.
රියදුරා වෙනුවෙන් පෙනී සිටි නීතිඥවරිය අධිකරණයේ දී ප්රකාශයක් කරමින් ඇමතිවරයා විසින් රියදුරාට හලාවත සිට පැය එක හමාරකින් කොළඹට පැමිණියයුතු බවට නියෝග කර ඇති බවත්, එබැවින් රියදුරා අධික වේගයෙන් රිය ධාවනය කර ඇති බවත්ය. අවුරුදු 12ක් තිස්සේ ඇමතිවරයාගේ විශ්වාසය දිනාගෙන සේවය කළ මෙම රියදුරා ඇමතිවරයා සම්බන්ධ බොහෝ පුද්ගලික කාරණා දන්නා විශ්වාසවන්තම සේවකයෙක් බැවින් ඔහුට ඇමතිවරයාට අගතියක් කිරීමට අවශ්ය නොවන බව ද ඇය උසාවියේ දී කීවාය.
කෙසේ වෙතත් සනත් නිශාන්ත ඇමතිවරයාගේ බිරිය අපරාධ පරීක්ෂණ දෙපාර්තමේන්තුවට පැමිණිල්ල ඉදිරිපත් කරමින් මතුකර ඇත්තේ රියදුරා ප්රකාශ කරන වේගයෙන්ම ගමන් කර මෙම අනතුර සිදුවී ඇතිදැයි විමසිය යුතු බවය.
