ඉදුනිල් කහටපිටිය –
පසුගිය කාලය තුළ පේරාදෙණිය විශ්වවිද්යාලයේ ආරක්ෂක දෙපාර්තමේන්තුවේ සේවක සුබ සාධක සංගමයට අයත් මුදල් ගිණුම් ගත කිරීමේ දී විශාල මූල්ය අක්රමිකතා සිදුව තිබෙන බවට එම සංගමයේ සමාජිකයන් කණ්ඩායමක් මහනුවර සමාජසේවා කොමසාරිස්වරයා ඇතුලු සියලු වගකිවයුතු පාර්ශවයන් වෙත ලිඛිතව දන්වා තිබේ.
සංගමයේ වාර්ෂික සංවත්සර මහා සභාව වසර දෙකකින් පවත්වා නොමැති වීම මෙම මූල්ය වංචා යටපත් කිරීමේ උත්සාහයක් ද යන්න සැක සහිත බව දක්වමින් සංගමයේ සාමාජිකයින් 43 දෙනෙකු ඔවුන් ගේ අත්සනින් යුතු ලිපියක් එහි ලේකම්වරයා වෙත ද යොමුකර ඇත.
අදාළ ලිපියේ පිටපත් පේරාදෙණිය විශ්වවිද්යාලයේ උපකුලපති, වැඩබලන ලේඛකාධිකාරී, ජ්යෙෂ්ඨ සහකාර ලේඛකාධිකාරී හා මහනුවර සමාජ සේවා කොමසාරිස් වෙත යොමුකර තිබේ.
පසුගිය දෙවසරක කාලයේ දී සංගමයට ආධාර පිණිස නාට්ය සංදර්ශන 06 ක් පවත්වා තිබෙන බවත් එම කිසිදු නාට්යයක අයවැය විස්තරයක් සාමාජිකයින් ගේ දැන ගැනීම පිණිස ඉදිරිපත් කර නොමැති බවත් පෙන්වා දෙන ආරක්ෂක දෙපාර්තමේන්තුවේ සේවක සුබ සාධක සංගමයේ සාමාජිකයෝ සංගමයේ වත්මන් මූල්ය තත්ත්වය දැන ගැනීම සඳහා නිත්යානුකූල අයිතියක් තමන්ට ඇතැයි අවධාරණය කරති.
නාට්ය දර්ශන වෙනුවෙන් අනුග්රහක භවතුන්ගෙන් මුදල් ලබාගෙන සමරු පොත් මුද්රණයේදී ද විශාල මූල්ය අක්රමිකතා සිදුව තිබෙන බවට කරුණු අනාවරණය වී තිබෙන බැවින් වහා සංවත්සර මහා සභාව හෝ විශේෂ මහා සභා රැස්වීමක් පවත්වන ලෙස ලිපිය මගින් සංගමයේ සාමාජිකයෝ ඉල්ලා සිටිති
