නාම යෝජනා භාර ගැනීම සඳහා දින නියම කිරීම, තේරීම් බාර නිලධාරීන් පත් කිරීම, ඡන්ද පෙට්ටි අලුත් කිරීම වැනි සිද්ධි පෙළ ගැසීම් ප්රදර්ශනය කළ ද පලාත් පාලන මැතිවරණය පැවැත්වෙන්නේ 2024ට පසුව බවත්, ඒ සඳහා රජය මේ වනවිට සැලසුම් කර හමාර බවත් ඉතා විශ්වාසකටයුතු ආරංචි මාර්ග ඔස්සේ ලංකාසරට වාර්තා වේ.
පළාත් පාලන ඡන්දය මේ අවස්ථාවේ දී පැවැත්වුවහොත් එය පාලක පක්ෂයට අතිශය අහිතකර බව විද්වත් විශ්ලේකයින් පිරිසක් විසින් පැහැදිලිකර දීමේන් පසු රජය මෙම තීරණය ගෙන ඇති බව මේ තීරණය ගෙන ඇතැයි ඉහත ආරංචි මාර්ග තහවුරු කරයි.
ඒ අනුව ප්රථමයෙන් ජනාධිපතිවරණය පවත්වා පසුව සෙසු මැතිවරණ පැවැත්වීමට තීරණය වී ඇතැයි පැවසේ.
පළාත් පාලන මැතිවරණය මේ අවස්ථාවේ දී පැවැත්වීමට සමගි ජනබලවේගයේ කණ්ඩායමක්, පොහොට්ටුව ද්රවිඩ ජාතික සංධානය, ඇතුළු දේශපාලන පක්ෂවල නියෝජිත පිරිස් ද සිය අකමැත්ත පළ කර ඇතැයි රජයේ ආරංචි මාර්ග කියයි.
ආණ්ඩුව ස්ථාවර කර ඊට එක්වීමේ අභිලාෂය සහිත ඉහත පක්ෂවල නියෝජිත පිරිසක් වජිර අබේවර්ධන සහ එස්බී දිසානායක සමග ඉතා රහසිගතව පසුගිය කාලය පුරාම මේ සම්බන්ධව සාකච්ඡා පවත්වා ඇත.
ඉදිරියේ දී එක්ව දේශපාලන අර්බුදයට මුහුණ දීමෙන් අනතුරුව පලාත්පාලන මැතිවරණය පැවැත්වීම සිදුකළ යුතු බව ඔවුන්ගේ මතය වී ඇතැයි වාර්තා වේ.
