කොළඹ සංචාරක ප්රවර්ධන වැඩසටහනක් ලෙස දියත් වී ඇති නත්තල් සැනකෙළි කලාපයේ විශේෂ රාජකාරිවල යොදවා සිටින පොලිස් නිලධාරීන්ට මෙම අවස්ථාව සංවිධානය කළ සැනකෙළි සංවිධායක කමිටුව මගින් පොරොන්දු වූ පරිදි ආහාර ලබා නොදීම හේතුවෙන් දැඩි අසීරුතාවයකට පත් වී සිටින බව වාර්තා වේ.
දිවා රාත්රි පුරා විශේෂ රාජකාරියේ යොදවා ඇති පොලිසියේ සහ බුද්ධි අංශයේ නිලධාරීන් මේ වනවිට සේවය කරන්නේ අතේ වියදමින් ආහාර සපයාගෙන වීම ඔවුන්ට දරාගත නොහැකි පිරිවැයක් බව පොලිස් පොඩ්ඩෝ පවසති.
නත්තල් සැනකෙළි නවත්වන ලෙස කාදිනල් තුමා විසින් ඉල්ලීමක් කර එම මුදල දුප්පතුන්ගේ ජීවිත සුවපත් කරන්නැයි සිය නත්තල් පණිවිඩයෙන් දන්වා තිබෙන පසුබිමක ලැබෙන සොච්චම් වැටුප වියදම් කර නත්තල් සැනකෙළියක රාජකාරි කිරීමට සිදුවීම දෛවෝපගත සිදුවීමක් බව ද ඔවුහු පෙන්වා දෙති.
