ලෝක කුසලාන තරගාවලියට සුදුසුකම් ලැබීමේ වටයේ ශ්රී ලංකාව සහභාගි වන සිය දෙවැනි තරගය වූ ශ්රී ලංකාව සහ ඕමානය අතර දැන් බුලවායෝ හිදී පැවැත්වෙන තරගයේ දී කාසියේ වාසිය දිනා මුලින්ම පන්දු යැවීම තේරූ ශ්රී ලංකා කණ්ඩායම පන්දු ඕවර 30.2 ක් තුළ ඕමාන කණ්ඩායම ලකුණු 98කට දවා ගත්තේය.
ඕමාන කණ්ඩායමේ පුහුණු කරු ශ්රී ලංකා ක්රිකට් පුරාවෘතයක් බඳු වූ හිටපු ශ්රී ලංකා නායක දුලීප් මෙන්ඩිස්ය. දුලීප් ගේ ශික්ෂණය යටතේ ඕමාන කණ්ඩායම ජාත්යාන්තර තලයේ අවධානයට ලක් වෙමින් සිටියේය.
අද තරගයේ දී කණ්ඩායම මුළුමනින්ම ශ්රී ලංකා පන්දු යවන්නන් හමුවේ බිඳ වැටුණත් ලකුණු 20කට කඩුළු 04ක් බිඳ වැටී තිබිය දී පස්වන කඩුල්ල වෙනුවෙන් ලකුණු පනහක සබඳතාවයක් ගොඩනැගීමට ජතින්ද්ර සිංට සහ අයාන් ඛාන් ට හැකි විය. අයාන් ඛාන් පන්දු 60ක දී ලකුණු 41ක් ලැබුවේය. ජතීන්ද්ර සිං ලකුණු 21ක් රැස් කළේය. 09වන කඩුල්ල වෙනුවෙන් පමිණි ෆෙරී බට් ලකුණු 13ක් ලැබුවේය. අනෙක් කිසිම ක්රීඩකයෙකුට ලකුණු 10ක සීමාව ඉක්මවා යන්නට හැකි වූයේ නැත.
ඕමානය වැනි කණ්ඩායමකට පන්දු යැවීමේ දි ලෝකයේ සිටින අත්දැකීම් බහුලම දඟ පන්දු යවන්නන් සිටින කණ්ඩායමකට අරුමයක් නොවේ.
වනිඳු හසරංග ලකුණු 13කට මෙවරත් කඩුලු 05ක් බිඳ හෙළුවේය. වනිඳු 21 වැනි පන්දු ඕවරයේ දී ලකුණු නොදී කඩුළු 03ක් දවා ගත්තේය.
ලහිරු කුමාර ලකුණු 22කට කඩුළු 03ක්, කසුන් රාජිත ලකුණු 17කට කඩුල්ලක්, ලැබුවේය. මහීෂ් තීක්ෂණ කඩුළු ලැබුවේ නැත.
ශ්රී ලංකා කණ්ඩායමට ලකුණු 99ක ජයග්රාහී ඉලක්කයක් ලැබී තිබේ.
