මනම්පිටිය නිමල් ජයරත්න –
පොළොන්නරුව මනම්පිටිය ප්රාදේශීය රෝහලේ පැරණි නේවාසිකාගාර දෙකක ගබඩා කර තිබූ 2017 වසරේ සිට එකතු වුන කල් ඉකුත් වූ සහ තත්ත්වයෙන් බාල රුපියල් කෝටි ගණනක් ඖෂධ වර්ග විනාශ කර දැමීමට සෞඛ්ය බළධාරීහු අද (23) කටයුතු කළහ.
පොළොන්නරු දිස්ත්රික්කයේ 2017 වසරේ සිට භාවිත සමීක්ෂණයකින් පසුව භාවිතයෙන් අත්හිටවූ සහ කල් ඉකුත් වූ ඖෂධ වසර 6 ක්ම එම නේවාසිකාගාර දෙකේ තැන්පත් කර තිබීමෙන් අනතුරුව ඒ සම්බන්ධ සෞඛ්ය අංශ වෙත ලැබුණු පැමිණිල්ලක් මත පොලොන්නරුව දිස්ත්රික් සෞඛ්ය අමාත්යාංශ නිලධාරීන් මෙම ඖෂධ තොගය විනාශ කිරීමට කටයුතු කර තිබේ,
අප මේ පිළිබඳව මනම්පිටිය ප්රාදේශීය රෝහලේ ප්රධාන වෛද්ය අසංක මහතාගෙන් දුරකථනයෙන් කළ විමසීමකදී ඔහු සඳහන් කළේ විනාශ කරන ලද එම ඖෂධ පොලොන්නරුව දිස්ත්රික්කයේ සියලු රෝහල්වලින් 2017 වසරේදී කල් ඉකුත් වූ සහ අත්හිටවූ ඖෂධ වර්ග බවයි,
කල් ඉකුත් වූ මෙම ඖෂධ වර්ග විනාශ කිරීම පිලිබඳ අප පොළොන්නරුව දිස්ත්රික් සෞඛ්ය අධ්යක්ෂ විශේෂඥ වෛද්ය ඩබ්ලියු.කේ.ඩබ්ලියු සරත්චන්ද්ර කුමාර්වංශගෙන් කළ විමසීම්කදී ඔහු සඳහන් කළේ, එලෙස විනාශ කරන ලද්දේ පොළොන්නරුව දිස්ත්රික්කයේ වාර්ෂිකව සිදු කරන ඖෂධ සමීක්ෂණවලින් පසු ඉවත් කිරීමෙන් පසු විනාශ කිරීමට හෝ මධ්යම ආණ්ඩුවට භාර දියයුතු ඖෂධ තොගයක් බවයි,
තම දිස්ත්රික්කය තුළ වූ ඖෂධ භාවිතා කරන ආයතන තිස්හතක් පිහිටා ඇති බවත්, ඊට මූලික රෝහල් තුනක් හා ප්රාදේශීය රෝහල් නමයත් සහ මධ්යම බෙහෙත් ශාලා දාසයක් තිබෙන බවත් ඒවායින් සෞඛ්ය අමාත්යාංශයේ උපදෙස් අනුව වාර්ෂිකව ඉවත් කරන ලද කල් ඉකුත්වූ සහ අත්හිටුවූ ඖෂධ එක් තැනක ගබඩා කරන බවත්ය.
,එලෙස 2017 වසරේ සිට මේ දක්වා මනම්පිටිය ප්රාදේශීය රෝහලේ පැරණි නේවාසිකාගාර දෙකක තැන්පත් කර තිබු කල් ඉකුත් වූ සහ අත්හිටවූ ඖෂධ විනාශ කිරීමට කටයුතු කළේ නෛතික ප්රතිපාදනවලට එකඟව බවද විශේෂඥ වෛද්යවරයා කීවේය,
