ලලිත් චාමින්ද –
උණවටුන වෙරළ ආශ්රිත මුහුදු තීරයේ කොරල් පර මත විසිරී ඇති නොදිරන අපද්රව්ය ඉවත් කිරීමේ වැඩ සටහනක් අද (01) උණවටුන මුහුදු තීරයේ දී සිදු කරනු ලැබුනි.
කිමිදුම් කරුවන් තිහක පමණ ප්රමාණයක් යොදා ගනිමින් උණවටුන මුහුදු තීරයේ කොරල් පර ආශ්රිතව විසිරී තිබෙන මෙම අපද්රව්ය ඉවත් කිරීමේ කටයුත්ත ගාල්ල සමුද්ර පුරාවිද්යා ඒකකය, ඕෂන් ශ්රී ලංකා පදනම සහ උණවටුන ප්රදේශයේ කිමිදුම් සමාජ එක්ව සංවිධානය කර තිබුණි 
උනවටුන මුහුදු පත්ලේ කොරල්පර අතර පවත්නා අප ද්රව්ය ඉවත් කිරීමට ගිය කිමිදු කරුවන් සඳහන් කර සිටියේ උනවටුන මුහුද පත්ලේ තවදුරටත් අපද්රව්ය රැඳී තිබෙන බවයි .
කෙසේ වෙතත් අද (01) දිනය තුළ කිමිදුම් කරුවන් උණවටුන මුහුදු තීරයේ කොරල් පර අතර තිබූ අප ද්රව්ය විශාල ප්රමාණයක් මෙගොඩට ගෙනවිත් තිබුණි.
අප සමග අදහස් දැක්වූ සමුද්ර පුරාවිද්යා ඒකකයේ ජ්යෙෂ්ඨ පුරාවිද්යා නිලධාරී රසික මුතුකුමාරණ සඳහන් කර සිටියේ මෙම ව්යාපෘතිය මගින් තම අරමුණ වී ඇත්තේ උණවටුන මුහුදු තීරණය පවත්නා අපද්රව්ය ඉවත් කොට උණවටුන වෙරළ ආශ්රිත සමුද්ර අභ්යන්තරයෙහි අපද්රව්ය ඉවත් කිරීම බවයි.
එසේම මෙම ව්යාපෘතිය සඳහා කිමිදුම් සමාජ නියෝජනය කරනු ලබන පාසල් දරු දැරියන් පිරිසක් ද එක්ව සිටීම විශේෂත්වයකි.
