සුසන්ත අමරබන්දු –
අම්පාර දමන පොලිස් බල ප්රදේශයේ වරාලන්ද ගම්මානේ පදිංචි මවක් සහ පුතෙකු අද අළුයම කපා කොටා ඝාතනය කර තිබිණි.
මෙලෙස ඝාතනයට ලක්ව ඇත්තේ. බටගල්ලේ ගෙදර දිනේෂිකා සඳමාලි කුලරත්න සහ දහතුන් හැවිරිදි පුතා වන ශ්රීමාල් සචින්ත ලක්ෂාන් රූපසිංහ යන මඩවලලන්ද මහා විද්යාලයේ 07 ශ්රේණියේ ඉගෙන ගන්නා සිසුවෙකි.
අසල්වැසි කාන්තාවකගේ ත්රී රෝද රථයේ මෙම දරුවා පාසල් යන බැවින් ඔහු පාසල් යාමට උදෑසන නොපැමිණිම නිසා නිවසට ගොස් බැලීමේදි මව සහ දරුවා සාලයේ ලේ ගොඩක් මැද මරා දමා තිබෙන බව දැක ඇත. අනතුරුව එම තැනැත්තා ඒ බව අසල්වාසීන්ට දන්වා තිබේ.
ඒ අනුව දමන පොලිස් ස්ථානාධිපති ප්රධාන පොලිස් පරීක්ෂක ප්රියන්ත අමරසිංහ ඇතුළු පොලිස් නිලධාරින් පරික්ෂණ ආරම්භ කරන ලදී.
මියගිය කතගේ සැමියා 2008 වර්ෂයේ දී යුද හමුදාවේ සේවය කරන අතරතුර මියගොස් ඇත. ඉන් පසු හිටපු යුධ හමුදා සෙබලෙකු ඇය සමග මෙම නිවසේ ජීවත්ව තිබේ.
31 වෙනි දින රාත්රියේ ද මෙම හිටපු යුධ හමුදා සෙබලා අසල්වාසි අයෙකු සමග මත්පැන් පානය කරමින් එම නිවසේ සිට තිබේ. මිතුරාගේ බිරිය ද එම අවස්ථාවේ මෙම නිවසේ සිටි අතර ඉන්පසු රාත්රියේ එම දෙදෙනා මෙම නිවසෙන් පිටව ගොස් ඇත.
මෙම ඝාතනයෙන් පසු එම නිවසේ කලක් සිටි හිටපු යුද හමුදා සෙබලා ප්රදේශයෙන් පලා ගොස් තිබේ. මෙම ස්ථානයට අම්පාර දිසා අධිකරණයේ අතිරේක මහේස්ත්රාත් ප්රදීප් ජයසිංහ පැමිණ අධිකරණ කටයුතු සිදු කරන ලදී.
මියගිය දෙදෙනා හට මන්නයකික් පහරදි තිබේ.
ඒ පිළිබඳව පරීක්ෂණ කටයුතු අම්පාර භාර නියෝජ්ය පොලිස්පති ආයාෂ කරුණාරත්නගේ මෙහෙයවීමෙන් අම්පාර ජේෂ්ඨ පොලිස් අධිකාරී ජයන්ත රත්නායක මහතාගේ මඟ පෙන්වීමෙන් කොට්ඨාස භාර පොලිස් අධිකාරි ප්රියදර්ශන හේරත්ගේ අධීක්ෂණයෙන් දමන පොලිසියේ ස්ථානාධිපති ප්රධාන පොලිස් පරීක්ෂක ප්රියන්ත අමරසිංහගේ මෙහෙයවීම මත පොලිස් පරීක්ෂක ඊබ්රහිම්,උ.පො.ප. ප්රැට්ට්රික්, උ.පො.ප. ගුණසේන, පොලිස් සැරයන්වරුන් වන (9693) අතුල , (34150) ජයලත්, (61601) රණරාජා, (61598) දූලීෂ,(36937) උපාලි සහ පොලිස් කොස්තාපල්වරුන් වන (74612) අනූර,(92461) බණ්ඩාර, කා.පො.කො.(7841) හර්ෂනි, පො.කො.රි. (80486) වීරසේකර, විශේෂ කාර්යාංශය පො.සැ.(60664) සම්පත් අතුළු කණ්ඩායමක් විසින් පරීක්ෂණ කටයුතු පවත්වමින් සිටිති.
