කොවිඩ් වසංගතය නිසා සංචරණ සීමා පැනවූ මහනුවර නගර සීමාවේ මහයියාව එම්.සී වත්ත හා එම්.ටී වත්ත ලෙස හැඳන්වෙන වතු නිවාස කලාප දෙකෙන් එම්.සී වත්තේ සංචරණ සීමා ඉවත් කිරීමත් සමග එම්.ටී වත්තේ ජනතාව තමන්ගේ සංචරණ සීමාත් ඉවත් කරන සේ ඉල්ලමින් මේ වනවිටත් උද්ඝෝෂණයක නිරත වෙමින් සිටිති.
කොවිඩ් පැතිරීමේ අවදානමත් සමග මෙම වතු නිවාස කලාප දෙකට සංචරණ සීමා පනවා තිබිණි. එහෙත් ප්රධාන සෞඛ්ය වෛද්ය නිලධාරී, මහජන සෞඛ්ය පරීක්ෂක ඇතුළු සෞඛ්ය අංශ බලධාරීන් මහනුවර නාගරික කොමසාරිස්වරයා සමග ද සාකච්ඡා කර අවදානම අඩු සේ සැලකූ එම්.ටී වත්තේ සංචරණ සීමා අද (01) ඉවත් කරනු ලැබීය.
එය දැනගත් වහාම පවුල් 2000ක් පමණ ජීවත්වන එම්.සී වත්තේ ජනතාව තමන්ගේති සංචරණ සීමා ඉවත් කරන සේ බලකරමින් උද්ඝෝෂණයක් ආරම්භ කළහ.
මේ වනවිට තත්වය සමනය කිරීම සඳහා යුද හමුදාව හා පොලිස් විශේෂ කණ්ඩායම් කීපයක් යොදවා ඇති බව පොලිස් ආරංචි මාර්ග තහවුරු කළේය.
