නඩත්තු කටයුතු සඳහා වසා දැමුණු නොරොච්චෝලේ බලාගාරයේ ජනන යන්ත්රය 2023 ජනවාරි 06 හෝ 7 දෙදින ජාතික විදුලිබල පද්ධතියට එක් කරන බව ලංකා විදුලිබල මණ්ඩලය පවසයි.
ලංවිම සාමාන්යාධිකාරී ඉංජිනේරු රොහාන් සෙනෙවිරත්න මාධ්යයට පවසා ඇත්තේ ගල් අඟුරු තොගයක් ලබන සතියේ ශ්රී ලංකාවට පැමිණීමට නියමිත බවත් ඉන් අනතුරුව නොරොච්චෝලේ බලාගාරය පූර්ණ ධාරිතාවයෙන් ක්රියාත්මක වන බවත්ය.
ඉන් අනතුරුව විදුලිය උත්පාදනය සඳහා ඉන්ධන බලාගාර භාවිත කිරීමේ අවශ්යතාවය පිළිබඳව සලකා බලන බව ඔහු පැවසීය.
සපුගස්කන්ද තෙල් පිරිපහදුව අඛණ්ඩව ක්රියාත්මක කිරීමට හැකිවන පරිදි ශ්රී ලංකාවට බොරතෙල් මෙට්රික් ටොන් 90,000 බැගින් ලබන සතියේදී ප්රවාහනය කෙරෙන බව විදුලිබල හා බලශක්ති අමාත්යාංශය පවසයි.
නඩත්තු කටයුත්තක් වෙනුවෙන් නොරොච්චෝලේ බලාගාරයේ එක් ජනන යන්ත්රයක් අක්රීය කළ බව පැවසුව ද එම අක්රීය කිරීමට හේතුව ගල් අඟුරු නොමාතිකම බව විදුලි ඉංජිනේරුවරු පෙන්වා දුන්හ.
මෙසේ නොරොච්චෝලේ බලාගාරය ගල් අඟුරු නොමැතිකම හේතුවෙන් අක්රීය කර ඒ සඳහා ඇමතිවරයා ප්රකාශ කළ විකල්ප විදුලි ජනන සැලැස්ම ක්රියාත්මක කිරීමෙන් ගල් අඟුරු තොගයක් රටට පැමිණීමට නියමිත දිනය දක්වා විදුලිය ජනනයට වැය වන අමතර වියදම රු. බිලියන 3.2 ක් බව විදුලිබල මණ්ඩල වෘත්තීය සමිති පෙන්වා දී තිබේ. එම වෘත්තීය සංගම් පෙන්වා දෙන්නේ ඒ බරත් පැටවෙන්නේ ජනතාව මත බවය .
මේ සියල්ල අතරේ නැවත වරක් විදුලි බිල වැඩි කිරීමට යෝජනාවක් පැමිණ ඇත.
සම බරව ඇත්ත කියන ලංකාසර පුවත් ඔබට සෑම විටෙක දැකීමට ඕනෑ නම් පහත අපේ වට්ස්ඇප් / ටෙලිග්රෑම් සමූහයන්ට එක්වෙන්න.
රටේ විදුලිබල හා බලශක්ති අමාත්යවරයාට අනුව, අඛණ්ඩ විදුලි සැපයුමක් ලබා දීමේ දි පිරිවැය පියවා ගැනීම මෙම ගාස්තු ඉහළ නැංවීමේ අරමුණය.
