ඉදිරි පැය 24 තුළ ප්රවේසම්කාරී මට්ටමේ උණුසුම් කාලගුණ තත්ත්වයක් පවතිනු ඇති බව කාලගුණ විද්යා දෙපාර්තමේන්තුව නවතම අවවාදාත්මක නිවේදනයක් නිකුත් කර ඇත.
උපදේශනයට අනුව රටේ ප්රදේශක කීපයක තාප දර්ශකය – මිනිස් සිරුරට දැනෙන මට්ටමේ සිට ‘ප්රවේශම් මට්ටම’ දක්වා ඉහළ යනු ඇතැයි අපේක්ෂා කෙරේ.
බලපෑමට ලක් වූ ප්රදේශ අතරට උතුරු, උතුරු-මැද, වයඹ, බස්නාහිර සහ සබරගමුව පළාත් මෙන්ම ගාල්ල, මාතර සහ මොණරාගල දිස්ත්රික්කවල ඇතැම් ස්ථානයන්හි මිනිස් සිරුරට දැනෙන උනුසුම නොහොත් උණුසුම් දර්ශකය අවධානය යොමු කළ යුතු මට්ටමක පවතිනු ඇතැයි අපේක්ෂා කෙරේ.
තත්ත්වය අනුව, විජලනයෙන් වැලකී සිටීමටත්, සෘජු හිරු එළියට දිගු කලක් නිරාවරණය වීමෙන් වැලකීමටත්, විශේෂයෙන් දිවා කාලයේ උපරිම හිරු රැස් පතිතතවන වේලාවන්හිදී සිසිල් ස්ථානයක සිටීමට පියවර ගන්නා ලෙස ජනතාවට උපදෙස් දී ඇත.
කෙසේ වෙතත් දැනට දිවයිනේ පවතින වියලි කාලගුණ තත්ත්වයේ වෙනස්විමක් අනිද්දා (23) දින සිට අපේක්ෂා කරන බව කාලගුණ විද්යා දෙපාර්තමේන්තුව පවසයි. ඒ අනුව උතුරු, උතුරු මැද, නැගෙනහිර, ඌව සහ මධ්යම පළාත්වලත්, හම්බන්තොට දිස්ත්රික්කයේත වැසි අපේක්ෂා කරන බව එම දෙපාර්තමේන්තුව කියයි.
