හිටපු කථානායක පාර්ලිමේන්තු මන්ත්රී අශෝක රන්වල මහතා ධාවනය කළ ජීප් රථය අනතුරට පත්වීම හේතුවෙන් රෝහලගත කර තිබේ.
මන්ත්රීවරයා මෙලෙස අනතුරුට පත්ව ඇත්තේ ඊයේ (11) පස්වරුවේ සපුගස්කන්ද දෙනිමල්ල ප්රදේශයේදී මෝටර් රථයකට ගැටීමත් සමඟ බව පොලිසිය සඳහන් කරයි.
අනතුරින් රන්වල මහතාගේ ජීප් රථයේ ගැටුනු මෝටර් රථයේ ගමන්කළ 25 හැවිරිදි කාන්තාවක්, මාස 6ක් පමණ වයසැති ඇයගේ බිලිඳිය සහ 55 හැවිරිදි මිත්තනිය තුවාල ලබා රෝහල්ගත කර තිබුණි.
පොලිසිය සඳහන් කරන පරිදි අනතුරට පත් බිලිඳිය ප්රතිකාර සඳහා රිජ්වේ ආර්යා ළමා රෝහලටත් ඇතුළත් කර තිබේ.
අනතුර සම්බන්ධයෙන් සපුගස්කන්ද පොලිසිය වැඩිදුර විමර්ශන සිදුකරයි.
