එක්සත් ජාතීන් ඇතුළු ලෝක මානව හිමිකම් සංවිධාන කළ ඉල්ලීම් පසෙකලා අන්තර් විශ්වවිද්යාලයීය ශිෂ්ය බල මණ්ඩලයේ කැඳවුම්කරු වසන්ත මුදලිගේ, හෂාන්ත ගුණතිලක සහ පූජ්ය ගල්වල සිරිධම්ම හිමිපානන් ත්රස්තවාදය වැළැක්වීමේ පනත යටතේ, දින 90ක් රඳවා තබා විමර්ශනය කිරීමට ආරක්ෂක අමාත්යවරයා ලෙස ජනාධිපති රනිල් වික්රමසිංහගේ අනුමැතිය ලැබී තිබේ.
මෙම ප්රවෘත්තිය පොලිස් මාධ්ය ප්රකාශක ජ්යෙෂ්ඨ පොලිස් අධිකාරී නිතීඥ නිහාල් තල්දූව මාධ්යයට නිවේදනය කළේය.
පසුගිය 18 වැනි දා අන්තර් විශ්වවිද්යාලයීය ශිෂ්ය බල මණ්ඩලය කොළඹ පැවැත්වූ විරෝධතාවක් අතරතුර වසන්ත මුදලිගේ ඇතුළු 19 දෙනෙකු පොලිස් අත්අඩංගුවට පත් වූ අතර, වසන්ත මුදලිගේ ඇතුළු තිදෙනා හැර සෙසු 15 දෙනා අධිකරණයට ඉදිරිපත් කිරීමෙන් පසු ව ඇප මත මුදාහැරිනි.
ඉන් එක් අයෙකු ලබන 26 වැනි දා දක්වා රක්ෂිත බන්ධනාගාරගත කිරීමට යි අධිකරණය නියෝග කළේය.
වසන්ත මුදලිගේ ඇතුළු තිදෙනා පැය 72ක රැඳවුම් නියෝග යටතේ පළමුව රඳවා ගැනුණි.
මේ වනවිට ආරක්ෂක අමාත්යවරයා වූ ජනාධිපතිවරයාගේ අනුමැතියට යටත් ව ඔවුන් දින 90ක් රඳවා තබා විමර්ශනය කෙරෙනු ඇත.
මේ කතාවත් බලන්න..
