සමගි ජන බලවේගය විසින් අද සවස කතානායකවරයාට භාර දුන් විශ්වාසභංග යෝජනා දෙකෙන් ජනාධිපතිවරයාට එරෙහිව දිරිපත් කළ විශ්වාසභංගය ප්රතික්ෂේප වීමට නියමිත බව නීති විශාරදයෝ පෙන්වා දෙති.
මෙම විශ්වාසභංගය ඉදිරිපත් වන්නේ රටේ. විධායක ජනාධිපතිවරයා එම ධුරයෙන් ඉවත් කිරීමේ අභිලාශයෙන් නම් 1978 ආණ්ඩුක්රම ව්යවස්ථාවට අනුව කිසිදු ආකාරයකට ඒ සඳහා විශ්වාසභංග යෝජනාවක් ගෙන එන්නට ඉඩක් නැති බව ඔවුහු තහවුරු කරති.
1978 ව්යවස්ථාවේ 38 2 ( අ) ව ගන්තියට අනුව රටේ විධායක ජනාධිපතිවරයාට එරෙහිව ගෙන ආ හැක්කේ දෝෂාභියෝග වෝදනාවක් පමණකි. එම චෝදනාවට පාර්ලිමේන්තුවෙන් තුනෙන් දෙකක් අත්සන් කර එය කතානායකවරයාට භාර දිය යුතු වේ. ඒ පිළිබඳව කාතනායකවරයා සෑහිමකට පත්වනවා නම් පමණක් එය න්යාය පත්රයට ඇතුළත් කරනු ලබයි.
එසේ න්යාය පත්රයට අතුළත් කළ පසු එම චෝදනාව ශ්රේෂ්ඨාධිකරණටය ඉදිරිපත් කළ යුතුය. ඉන් අනතුරුව ශ්රේෂාඨාධිකරණ තීරණය නැවත පාර්ලිමේන්තුවට දැන්විය යුතුය. අනතුරුව පාර්ලිමේන්තුවේ තුනෙන් දෙකක බහුතරකයින් එය සම්මත කරගැනීම අවශ්ය වේ.
මේ ක්රියාවලිය හැර විධායක ජනාධිපතිවරයා ඉවත් කිරීමට ආණ්ඩුක්රම ව්යවස්ථාවේ කිසිදු ප්රතිපාදනයක් නැත.
එහෙත් මේ සම්බන්ධව අධිනීතිඥ ලක්ෂ්මන් කිරිඇල්ල කියන්නෙ ජනාධිපතිවරයා පාර්ලිමේන්තුවට වගකියන බවත් ඔහු පාර්ලිමේන්තුවේ විශ්වාසය බිඳ දමා ඇති බැවින් විශ්වාසභංගයක් ඉදිරිපත් කළ බවත්ය.
මෙම විශ්වාසභංග යෝජනා ව්යවස්ථාවට අනුව ඉදිරියට ගෙනයනවා ද නැද්ද යන්න හෙට කතානායකවරයා විසින් ප්රකාශයට පත් කිරීමට නියමිතය.
