ඉදිරි මහ මැතිවරණයේදී පොදු විපක්ෂයක් පිළිබඳ අදහස ඇතිව එක්සත් ජාතික පක්ෂය, සමගි ජන බලවේගය, සහ පොදුජන පෙරමුණ සන්ධාන ගොඩනැගීමට සැලසුම් කරද්දී දෙමළ හා මුස්ලිම් දේශපාලන පක්ෂ එක්ව තරග කර බලපෑම් සහිත පාර්ලිමේන්තු කණ්ඩායමක් ගොඩනගා ගැනීම සම්බන්ධයෙන් එම පක්ෂවල අවධානය යොමුව ඇති බව වාර්තා වේ.
ඉලංගෙයි තමිල් අරසු කච්චි පක්ෂයේ මාධ්ය ප්රකාශක එම්.ඒ. සුමන්තිරන්, දෙමළ ප්රගතිශීලී සන්ධානයේ නායක මනෝ ගනේෂන් හා ශ්රී ලංකා මුස්ලිම් කොංග්රසයේ නායක රවුෆ් හකීම් ඉකුත් දා කොළඹදී මුණගැසී සාකච්ඡාවක් පවත්වා ඇති අතර එහිදී ඉදිරි මැතිවරණවලදී දෙමළ, මුස්ලිම් පක්ෂ එක්ව තරග කිරීම සම්බන්ධයෙන් අවධානය යොමු කර ඇති බව වාර්තා වේ.
ප්රධාන දේශපාලන ධාරාවේ පක්ෂ සමග සන්ධානගතව පාර්ලිමේන්තුව නියෝජනය සඳහා මෙතෙක් ඔවුන් දැරූ ප්රයතන්ය වෙනුවට වාර්ගික කණ්ඩායම් ලෙස දෙමළ සහ මුස්ලිම් දේශපාලන සන්ධානගතව කෙරෙන දේශපාලන අත්හදා බැලීම රජයේ වාර්ගිකත්වයෙන් තොර සමාන මිනිසුන් සහිත දේශපාලන අදහසට විරුද්ධ දේශපාලනයක් රූපනය කරන බව දේශපාලන ආරංචි මාර්ග කියයි.
මේ පිළිබදව මාධ්ය වෙත අදහස් දක්වා ඇති රවුෆ් හකීම් සඳහන් කර ඇත්තේ, ඉදිරි මහ මැතිවරණයට මුහුණ දිය යුතු ආකාරයටත් ආණ්ඩු බලය පිහිටුවා ගැනීමට ජනතා ඡන්ද ලබා ගැනීමට සූදානම් වන බව ය.
සමගි ජන බලවේගය සමඟි ජන සන්ධානයක් බවට පත්වූ පසුත් එයට අභියෝග ඇති බව පෙන්වාදී ඇති රවුෆ් හකීම් සමගි ජන සන්ධානයට එහා ගොස් තවත් පක්ෂ ඒකාබද්ධ කර ගනිමින් සන්ධාන ගතවීමේ උත්සහායන් සිදු කෙරෙන බව ද සඳහන් කර තිබේ. (ලක්ෂ්මී ජයකොඩි – මව්බිම)
මේවා තමා ජාතිවාදය පෝෂණය කරනවා කියන්නේ
මුස්ලිම් දෙමල කෞරුත් මුන්ව ප්රතිෂේප කලයුතුය