කුමන දේශපාලන පක්ෂයක සිටියත් පොදුවේ සියලු දෙනාගේම ආදරයට පත් වූ දේශපාඥයන් අතලොස්ස අතර සිටි වෙල්ගම දිවි සැරියෙන් සමුගෙන තිබේ.
කොළඹ පෞද්ගලික රෝහලක ප්රතිකාර ලබමින් සිටිය දී අද 28 අලුයම අභාවප්රාප්ත වූ කුමාර වෙල්ගම දිවි ගමන නිමා කරන විට 74 වැනි වියෙහි පසුවූයේය.
කුමාර වෙල්ගම යනු හැට සහ හැත්තෑව දශකවල දී ගොඩනැගුන මේ රටේ දේශීය ව්යාපාර පන්තියේ ප්රමුඛයෙක් වූ එස්.ඒ වෙල්ගම ගේ පුත්රයෙකි. ව්යාපාරික සමාජයේ පහළම තැන්න් ආරම්භ කර විශිෂ්ට ව්යාපාරිකයෙක් සහ ව්යවසායකයෙක් වූ එස්.ඒ වෙල්ගමගේ ව්යක්ත ව්යාපාර පරිපාලනය සහිත ඍජු බව සහිතව කුමාර වෙල්ගම ගොඩනැගුනේයත
ඔහු මුලින්ම දේශපාලනයට පැමිණෙන්නේ මීට වසර 40කට පෙරය. ඒ අගලවත්ත ආසනයේ ශ්රී ලංකා නිදහස් පක්ෂ සංවිධායකවරයා ලෙසය. එතැන් සිට 1994 සහ 2024 අතර 30 වසරක කාලයේ දී කළුතර දිස්ත්රික්කයේ පාර්ලිමේන්තු මන්ත්රීවරයෙකු ලෙස පුරා වසර 30ක් ඔහු අඛණ්ඩව කටයුතු කළේය.
කුමාර වෙල්ගම ශ්රී ලංකා නිදහස් පක්ෂයේ මන්ත්රීවරයෙක් ලෙස එක්සත් ජනතා සන්ධානය ගොඩනැගීමට කටයුතු කළේය. ඔහු සන්ධාන රජයේ අමාත්යවරයකු ලෙස ද ක්රියා කළේය.
පැවති දේශපාලන විඝටන හමුවේ ඔහු හෘදය සාක්ෂියට එකඟව තීන්දු ගත් දේශපාලකයෙකි. සිය මතය මොනතරම් ව්යාකූල තත්ත්වයක් හමුවේ වුව ද ඔහු පාර්ලිමේන්තුවේ දී පැවසුවේය. අවසන් වරට පාර්ලිමේන්තුව අමතන අවස්ථාවේදීත් ඔහු කීවේ මේ රටේ මෙතෙක් ඇමතිකම් දැරූ තමා ඇතුළු සියලුම ඇමතිවරුන් හොරකම් කළ බවය. වංගු ගැසූ බවය. දැන් ඒ දූෂිත කාලය නිමා කළ නව දේශපාලන පරිවර්තනයක් අවශ්ය බවය.
කෙසේ වෙතත් අරගල සමයේ ඔහුට පහර දී ඔහුගේ රිය ගිනි තැබීමේ සිදුවීම පිළිබඳව ඔහු සිටියේ මහත් කම්පනයකිනි. මිනිසුන් සමග සිටි දේශපාලකයෙක් ලෙස එය ඔහු බලාපොරොත්තු වූවක් නොවේ. ඒ සම්බන්ධව ජාතික ජන බලවේගය ඔහුගේ දැඩි විවේදනයට ලක් වූයේය. මේ සිදුවීමට පෙර අවධියේ දි ඔහු සිටියේ ජාතික ජන බලවේගයේ වැඩපිළිවෙළට විවේචනාත්මක සහයෝගයක් පාර්ලිමේන්තු තුළ දක්වමිනි.
2020 වසරේ සිට ඔහු නව ලංකා නිදහස් පක්ෂයේ නායකයා වූ අතර සමගි ජන බලවේගය සමඟ එක්ව මැතිවරණයට ඉදිරිපත් විය.
කුමාර වෙල්ගම 1984 සිට 2000 දක්වා අගලවත්ත ආසනයේ ශ්රී ලංකා නිදහස් පක්ෂයේ ප්රධාන සංවිධායකවරයා විය. වෙල්ගම මහතා 2007 සිට 2010 දක්වා කර්මාන්ත සංවර්ධන අමාත්යවරයා වූ අතර 2010 සිට 2015 මුල් භාගය දක්වා ශ්රීලනිපය ප්රමුඛ රජයන්හි ප්රවාහන අමාත්යවරයා විය.
2019 වසර දක්වා ශ්රී ලංකා නිදහස් පක්ෂයේ සාමාජිකයෙකුව සිටි වෙල්ගම ගෝඨාභය රාජපක්ෂගේ ජනාධිපති අපේක්ෂකත්වයට සහය දීමෙන් පසු රාජපක්ෂ පවුලට නැවත පැමිණීමට මග පාදා පක්ෂයෙන් ඉවත් විය.
ඔහු ඒ වෙනුවට එක්සත් ජාතික පක්ෂයේ අපේක්ෂක සජිත් ප්රේමදාසට සහය දුන්නේය. නව ලංකා නිදහස් පක්ෂය නමින් නව පක්ෂයක් ආරම්භ කළ අතර, එය 2020 ශ්රී ලංකා පාර්ලිමේන්තු මැතිවරණයට තරඟ කිරීම සඳහා සජිත් ප්රේමදාසගේ නායකත්වයෙන් යුත් සමගි ජන බලවේග සන්ධානයට එක් විය
