පක්ෂයේ පරිහානිය මතක් වෙනනොට උදේට නැගිටින්න හිතෙන්නෙත් නෑ.
මගෙන් පසුව ආපු නායකයෝ දෙන්නම පක්ෂය විනාශ කළා.
ශ්රී ලංකා නිදහස් පක්ෂය අද ලබා තිබෙන පරිහාණියට එක්තරා ආකාරයකට මමත් වගකිව යුතු යයි සමහර වෙලාවට සිතෙන බවත් ඒ තමන් කළ දේවලට වඩා නොකළ දේ නිසා බවත් හිටපු ජනාධිපතිනි චන්ද්රිකා බණ්ඩාරනායක කුමාරතුංග මහත්මිය පවසයි.
කෙසේ වුවද ඇය පවසන්නේ පක්ෂය සම්පූර්ණයෙන්ම විනාශ කිරීමට තමන් ද එකතුව 2015 දී බලයට පත් කළ පුද්ගලයා බව ද පවසන හිටපු ජනාධිපතිවරිය තමාගෙන් නසුව බලයටලෙත් වූ නායකයන් දෙදෙනාද පක්ෂය විනාශ කිරීමට කටයුතු කළ බව සඳහන් කරයි. ඇය මේ බව සඳහන් කළේ ශ්රි ලංකා නිදහස් පක්ෂයේ 69 වැනි සංවත්සරය වෙනුවෙන් විශේෂ ප්රකාශයක් කරමිනි.
තම නිවසේ බිහිවුණු දෙමාපියන් විසන් පෝෂනය කළ තමන්ද නායකත්වය දුන් රටට සේවයක් ඛලශ්රි ලංකා නිදහස් පක්ෂය ට අද සිදුව තිබෙන ඉරණම දකින විට උදේට නැගිටින්නටවත් සිත් නොදෙන බවද අද මාද්යයට විශේෂ වීඩියෝවක් නිකුත් කරමින් ඇය පවසන්නීය.
එහි තවදුරටත් අදහස් දක්වන කුමාරතුංග මහත්මිය “මේ පක්ෂය හැදුවේ මගේ පියා. මේ පක්ෂය හැදුණේ අපේ ගෙදර. පක්ෂ නායකයන් සමඟ සාකච්ඡා කළේ අපේ නිවෙස්වල. මේ රටට වැඩිම දේවල් ලබා දුන්න පක්ෂය ශ්රි ලංකා නිදහස් පක්ෂය. තාත්තාගෙන් පස්සේ අම්මා මේ පක්ෂය තවදුරටත් ශක්තිමත් කළා. ඊට පස්සේ මම ත් මේ පක්ෂය ශක්තිමත් කළා. ඇය හොඳ සංවිධානාත්මක රාමුවක් ඇති කළා. ඊට පසුව මටත් අවස්ථාවක් ලැබුණා. 1994 දී වසර 17ක් ගුටි කකා පැරදි පැරදි හිටපු අපට ලොකු ජයග්රහණයක් ලබා ගන්න පුළුවන් වුණා. අප කළ හොඳ වැඩ නිසා අඛණ්ඩව අවුරුදු 23ක් පක්ෂයක් ලෙස බලයේ සිටින්නට අපට හැකියාව ලැබුණා. ඒ විශේෂයෙන් මම කළ වැඩ නිසා. සමාවෙන්න මම මම ගැන කියන්න කැමති නෑ. ඒත් දැන් කියන්න වෙලා තියෙනවා.
මම කාලයක් දේශපාලනයෙන් ඈත් වෙලා ඉඳල 2015 ඇයි ආවේ. මම අවේ රටට වෙන ඇබැද්දිය පක්ෂයට වෙලා තිබෙන ඇබැද්දිය දැකල මම ආවේ. 2015 මහ සිහිනයක් දැක්කා.මේ රටගොඩ ගන්න. අපේ පක්ෂය ගොඩ ගන්න. මම යූ.එන්.පී එකට එකතු වුණා කියල සමහරු කීවා. වැරදි කරලා මම පන්නපු අය තමයි කියන්නේ යූඑන්පියට එකතු වුණා කියල. 2015 මම ඒ තීන්දුව ගත්තේ තනියම මම යූඑන්පියට යන්නේ නැතිව මගේ සහයෝගය රටට දෙනන්. රටට කරන විනාශය නවත්වන්න. මට ඊට හඑකතු වෙන්න කියල බොාහා් දෙනකු කිව්වා. සෑම පක්ෂ ජාති භේද නැතිව බොහෝ දෙනෙක් කිව්වා. සෝභිත ස්වාමීන් වහන්සේ ඇතුළු සිවිල් සමාජ බලවේග දේශපාල පක්ෂ මට කතා කරා . මම කිව්වා යූ.එන්.පී එකත් එක තනියම බෑ. සන්ධානයක් හදමු කියල. මමයි සන්ධාන සංකල්පයත් ගෙනාවේ. සිවිල් සංවිධාන 49ක් එකතු වෙලා අපි මහා වැඩපිළිවෙළක් හැදුවා. අපට මහා දර්ශනයක් තිබ්බා. අවුරුදු තුනක් මම සහ තවත් කණ්ඩායමක් මේ වැඩපිළිවෙළ සැලසුම ලිව්වා. දින සීයේ වැඩ පිළිවෙල හැදුවේ ඒකෙන්.එයත් පසුව වෙනස් වුණා.
රට සහ පක්ෂය වෙනුවෙන් මම එකතු වුණේ. නමුත් එය සම්පූර්ණයෙන් කඩා වැටුණා.මේක තනිකරම බිඳ දැම්මේ එක් පුද්ගලයෙක් ඒ අපි බලයට ගෙනාපු පුද්ගලයා. මට පස්සේ ආපු නායකයෝ දෙන්නම කළේ පක්ෂය විනාශ කරන එක. එක්කෙනෙක් ලංකාවේ ඉන්න ලොකුම කැසිනෝකාරයා ලොකුම කුඩු කාරයා ඉන්න ශ්රි ලංකා නිදහස් පක්ෂයක් බවට පතක්කළා. මේක නිර්මල දර්ශනයක් ප්රතිපත්තියක් කිබුනු පක්ෂයක්. බණ්ඩාරනායක ප්රතිපත්ති තිබ්බට වැඩක් නෑ ඒවා එයාලට බාධාවක්.ඔවුන්ට ඕන වුණේ ඒව විනාශ කරන්න. මට පුළුවන් තරම් බාධා කළා. ඊට හේතුව ජීවතුන් අතර හිටපු ශ්රි ලංකා නිදහස් පක්ෂයට නායකත්වය දෙන්න පුළුවන් එකම බණ්ඩාරනායක මම නිසා. ඒත් මෙය ශක්තිමත් පක්ෂයක්. නිර්මල දර්ශනයක් තිබෙන ඉතා ශ්රේෂ්ඨ පුද්ගලයන් කිහිප දෙනකුගේ ලෙයින් බිහි වුණ පක්ෂයක් විනාශ නරන්න බෑ. මහා රූක්ෂයක් කඳ කැපුවට මුල් තදින් බැස තිබෙනවා නම් ගහ ලියලාගෙන එයි. ඒ වෙනකොට මම ජීවත් වෙයිද කියන්න බෑ. නමුත් එවැනි රෑක්ෂ ගසක් වැනි පක්ෂයක් යළිත් ගොඩ නගන්න තරුණ පරම්පරාවට සහය දෙන්න මම සූදානම්“ යයිද ඇය සඳහන් කරයි.
සම බරව ඇත්ත කියන ලංකාසර පුවත් ඔබට සෑම විටෙක දැකීමට ඕනෑ නම් පහත අපේ වට්ස්ඇප් / ටෙලිග්රෑම් සමූහයන්ට එක්වෙන්න.
