-
එකපිට එක මැච් පරදින අතරෙ ඔස්ට්රේලියාවෙ අනාගත පදිංචියට ඉඩම් ගෙවල් හොයන්න ගිහින්… මැච් එකට ෆොකස් කැඩුනෙ දසුන් ඉඩම්වලට ෆෝකස් වුන නිසාදැයි ක්රිකට් බලධාරීහු ප්රශ්න කරති… වීඩියෝ පෙන්වද්දී දසුන් නිරුත්තර වෙයි…
විස්සයි විස්ස ලෝක කුසලාන තරගාවලිය අතර තුර ශ්රී ලංකා ක්රීඩකයන්ගේ හැසිරීම් පිළිබඳ වාර්තා ලැබෙමින් පවතී.
ධනුෂ්ක ගුණතිලක මේ වන විට සිට්න්නේ රිමාන්ඩ් භාරයේය.
ඇතැම් ක්රීඩකයන් කෝලම් ඇඳුම් අඳිමින් සංදර්ශන පවත්වා ඇති අයුරු ෆේස් බුකියේ දකින්නට ලැබිණ.
මේ අතර නායක දසුන් චානක ඕස්ට්රේලියාවේ දේපළ හා ඉඩ කඩම් විකිනීමේ ව්යාපාරයක් ( Real Estate) පවත්වාගෙන යනු ලබන ශ්රී ලාංකිකයකුගේ ප්රවර්ධන වැඩ සටහනකටද සහභාගි වී ඇත.
වාර්තාවන ආකාරයට ලෝක කුසලාන තරගාවලිය අතරතුර නායක දසුන් හා එම සංචාරයේ ලකුණු අතර නොසිටි වමත් පිතිකරුවකු හා තවත් ක්රීඩකයන් කිහිප දෙනෙකුම දේපල වෙළඳාම් කරුවන් පසුපස ගොස් ඕස්ට්රේලියාවේ ඉඩ කඩම් මිළදී ගැනීම ගැන උනන්දු වී තිබේ. සමහරු දැනටමත් එහි නීතිවේදීන් හමු වී අනාගතයේ පදිංචියට යාමට ලියකියවිලිද සකස් කොට ඇත.
දසුන් මෙම සංචාරයේ අසාර්ථක වීමට ඔහුගේ අවධානය කඩ වීමට මෙයද එක් හේතුවක් වූ බව කියවේ.
දසුන් විසින් එහිදී නිකුත් කරන ලද දේපළ වෙළඳාම් වීඩියෝවක් ජාතික ක්රීඩා සභාවේ සභාපති අර්ජුන රණතුංග විසින් ක්රීඩා ඇමතිවරයා හමුවේ පසුගියදා ඔහුට පෙන්වද්දී ඔහු නිරුත්තර වූ බව වාර්තා වේ.
එහෙත් ක්රිකට් ආයතනය මේ දක්වා ඒ ගැන කිසිවක් පවසා නොමැත.
