බදුල්ල දෙමළ බාලිකා විද්යාලයේ විදුහල්පතිනිය දණ ගැස්වීමේ චෝදනාවට එරෙහිව පවරා තිබූ නඩුවට අදාළ සියලු චෝදනාවලින් පාර්ලිමේන්තු මන්ත්රී චාමර සම්පත් දසනායක නිදොස් කොට නිදහස් කර තිබේ.
මන්ත්රීවරුන් ඌව පළාත් ප්රධාන අමාත්යවරයා ලෙස කටයුතු කරන සමයේදීයි මෙම සිද්ධිය සිදුවී තිබිණි.
ඊයේ මෙම නඩුව කැඳවූ අවස්ථාවේ දී බදුල්ල මහේස්ත්රාත් චමින්ද කරුණාදාස විසින් අදාළ සියලු චෝදනාවලින් මන්ත්රීවරයා නිදොස් කොට නිදහස් කළේය.
බදුල්ල සමථ මණ්ඩලයේදී දෙපාර්ශ්වය සමථයකට පත්වීමෙන් අනතුරුව මෙම තීන්දුව ලබාදී ඇත.
පාර්ලිමේන්තු මන්ත්රී චාමර සම්පත් දසනායකට එරෙහිව මෙම නඩුව පවරා තිබුණේ සිද්ධියෙන් පසු විදුහල්පතිවරයා විසින් කරන ලද පැමිණිල්ලකට අනුවය.
නීතිපතිවරයාගේ නියෝගය මත බදුල්ල මහේස්ත්රාත්වරයා විසින් මෙම නඩුව බදුල්ල සමථ මණ්ඩලය වෙත යොමු කර ඇත.
