හැටන් රංජිත් රාජපක්ෂ –
ළමා සහ කාන්තා හිංසනය පිලිබඳව සෙවීමට සිවිල් ඇඳුමින් බස් රථයකට නැගි පොලිස් නිලධාරිනියකට ලිංගික අතවර කිරිමට තැත් කළ පෞද්ගලික ආරක්ෂක අංශ නිලධාරියෙකු ඊයේ (17) දින සැකපිට අත්අඩංගුවට ගෙන නුවරඑලිය මහෙස්ත්රාත් ප්රබුද්ධිකා ලංකාදනි වෙත ඉදිරිපත් කිරිමෙන් අනතුරුව සැකකරු මේ මස (22) දින දක්වා රක්ෂිත බන්ධනාගාර ගත කිරිමට නියෝග කර ඇත.
මෙසේ රක්ෂිත බන්ධනාගාර ගත කරනු ලැබුවේ වැලමඩ ප්රදේශයේ පදිංචිව පෞද්ගලික ආරක්ෂක අංශයක සේවය කරන 45 හැවිරිදි පුද්ගලයෙකි.
යුක්තියේ මෙහෙයුමට සමාගාමිව ළමා සහ කාන්තා හිංසනය මැඩ පැවැත්වීම වෙනුවෙන් දියත් කළ මෙහෙයුමටක් සඳහා නුවරඑළිය සිට වැලිමඩ දක්වා ධාවනය වු බස් රථයකට පොලිස් නිලධාරිනියක සිවිල් ඇඳුමින් යොදවා තිබිණි.
සිවිල් ඇදුමින් සැරසුනු පොලිස් නිලධාරින්ද බස් රථයේ යොදවා තිබියදි සැකකරු උපාය දුතියට ලිංගික හිංසනයන් සිදු කිරීමට උත්සාහ කර ඇත. ඒ අවස්ථාවේ දී පුද්ගලයා අත් අඩංගුවට ගෙන ඇති බව නුවරඑලිය පොලිසියේ මුලස්ථාන ප්රධාන පොලිස් පරික්ෂක ප්රේමලාල් හෙට්ටිආරච්චි ම කියා සිටියේ.
මෙවැනි පුද්ගලයන් අත්අඩංගුවට ගැනීම සදහා නුවරඑලිය සිට ගමන් ආරම්භ කරන ලංගම සහ පෞද්ගලික බස් රථවල මෙහෙයුම් අඛණ්ඩව සිදු කරන බව ඔහු කීවේය.
