ශ්රි ලංකා පොදු ජන පෙරමුණේ ජාතික සංවිධායක තනතුර රාජපක්ෂ නොවන අයකුට ලබා දිය යුතු බවට රාජපක්ෂ පවුලේ ජ්යෙෂ්ඨතමයාවන චමල් රාජපක්ෂ යෝජනා කර තිබියදීත් නාමල් රාජපක්ෂ වෙත එම තනතුර ලබා දිමට කටයුතු කිරීම හේතුවෙන් පක්ෂය තුළ අභ්යන්තර බෙදීමක් නිර්මාණය වී ඇති බව පක්ෂ ආරංචි මාර්ග සඳහන් කරයි.
මෙම තනතුර සඳහා කළුතර දිස්ත්රික් මන්ත්රි රෝහිත අබේගුණවර්ධන පත් කළ යුතු බවට යෝජනා වී එකඟතාවකට පැමිණ තිබුණද හදිසියේ එම තීරණය වෙනස් කරමින් නාමල් ජාතික සංවිධායක ලෙස පත් කිරීම මුල් කරගෙන එම අවුල් නිර්මාණය වී ඇතැයි පක්ෂ ආරංචි මාර්ග සඳහන් කරයි.
පසුගිය සතියේ කොළඹ 07, විජේරාම මාවත පිහිටි හිටපු ජනාධිපති මහින්ද රාජපක්ෂ නිල නිවසේදී පොදු ජන පෙරමුණේ විධායක සභාව රැස්ව ඇති අතර එම රැස්වීමට පෙරාතුව මහින්ද බැසිල් චමල් ඇතුළු රාජපක්ෂ පවුලේ සාමාජිකයන් ජාතික සංවිධායක තතනතුර පිළිබඳව සාකච්ඡා කර ඇත.
එහිදී චමල් රාජපක්ෂ පවසා ඇත්තේ මේ වනවිට රට තුළ පවතින රාජපක්ෂ විරෝධය සමනය වන තෙක් එම තනතුර පවුලේ අයකුට ලබා නොදිය යුතු බවය. එහිදී රෝහිත අබේගුණවර්ධනගේ නම යෝජනා වුවද අවසානයේ යළි නාමල් රාජපක්ෂ පත් කරන තැනකට තීරණය වී තිබේ.
ඊට පෙර සතියේද නෙළුම් පොකුණ පක්ෂ කාර්යාලයේදී බැසිල් රාජපක්ෂ ගේ ප්රධානත්වයෙන් පැවැති පක්ෂ ප්රතිසන්ධාන සහ මැතිවරණ සූදානම සම්බන්ධයෙන් පැවැති සාකච්ඡාවකදී නාමල් රාජපක්ෂ ට තමන් නියෝජනය කරන හම්බන්තොට පක්ෂ ක්රියාකාරීන්ගෙන්ද චෝදනා එල්ල වී ඇත්තේ ඔහු ආසනයේ දේශපාලන කටයුතුවලට සහභාගී නොවන බවට චෝදනා කරමිනි.
මහින්ද රාජපක්ෂ ජනාධිතිවරයාව සිටියදී යුද්ධයේ උච්ඡතම අවස්ථාවලදීත් සිය ආසනයේ ක්රියාකාරීන් හමුවීමට වෙලාවක් යොදාගත් පසුබිමක් පවතිද්දී ඔහුගේ පුත්රයා එවැනි උනන්දුවක් නොදක්වීම පිළිබඳව ඔවුන් බැසිල් රාජපක්ෂ හමුවේ චෝදනා කර ඇති බවද පසුගිය සති අන්ත ඉංග්රිසි පුවත් පතක් සිය දේශපාලන ලිපියෙන් අනාවරණය කර තිබුණි.
