ලලිත් චාමින්ද
රාජ්ය ඖෂධ සංස්ථාව මගින් විවිධ සමාගම් හරහා පසුගිය සැප්තැම්බර් මාසයේදී මෙරටට ආනයනය කරනු ලැබු ඖෂධ තොග මේ දක්වා වෛද්ය සැපයුම් ඒකකය මගින් භාර නොගැනීම නිසා ගුවන් තොටුපළ වරාය හා වෙනත් කන්ටේනර් පර්යන්තවල අනාරක්ෂිත ලෙස ගබඩා කර තැබීමෙන් එම ඖෂධ තොග විනාශයට පත් වීමේ දැඩි අවදානමක් පවතින බව වෛද්ය හා සිවිල් අයිතිවාසිකම් පිළිබඳ වෛද්යවරුන්ගේ වෘත්තිය සමිති සන්ධානයේ සභාපති විශේෂඥ වෛද්ය චමල් සංජීව සෞඛ්ය ලේකම්වරයා වෙත දන්වා ඇත.
මෙම ඇති වී තිබෙන තත්ත්වයට සම්බන්ධයෙන් තමන් වර්තමාන සෞඛ්ය ලේකම් විශේෂඥ වෛද්ය පාලිත මහිපාලව පෞද්ගලිකවම දැනුම්වත් කළ බවත් ඔහු කියයි.
ඖෂධ නිසි පරිදි ශීතාගාර තුළ ගබඩාකොට නොමැති බවත් තද අව්වේ අව්රශ්මිය පතිතවන පරිසරයන් තුළ මේ අන්දමට අනාරක්ෂිත ලෙස ගබඩා කිරීම නිසා මෙම ඖෂධවල ගුණාත්මක තත්ත්වය බිඳ වැටීමේ අවදානමක් මතුවි ඇති බවද ඔහු පෙන්වා දෙයි.
මෙම තත්වය නිසා රෝගීන්ට වෛද්ය ප්රතිකාර ලබාදෙන අවස්ථාව වනවිට ඖෂධ තත්ත්වයෙන් බාල ඖෂධ බවට පත්ව රෝගී ජීවිත අනතුරට පත්වීමේ ඉහළ අවදානමක් පවතින බවද ඔහු සඳහන් කරයි.
