ඊයේ රාත්රියේ රත්මලානේ දී කපා කොටා ඝාතනය කර ඇති කාන්තාව බන්ධනාගාර නියාමකවරයෙකුගේ බිරියක් බවත්, බරපතල තුවාල ලද පුද්ගලයා බන්ධනාගාර නියාමකවරයා බවත් විමර්ශන අංශ කියයි.
දැනට අසාධ්ය තත්ත්වයේ පසුවන බන්ධනාගාර නියාමකවරයා පවසා ඇත්තේ මිත්රයෙක් සාදයක් සඳහා කරන ලද ඇරයුමකට අනුව බිරිය සමග යතුරු පැදියෙන් ගමන් කළ බවය. සාදය පවත්වන ස්ථානයට එන පාර නිවැරදිව දැන ගැනීම සඳහා දුරකථන ඇමතුමක් අපේක්ෂාවෙන් මග රැඳී සිටිනවිට යතුරු පැදියකින් පැමිණි දෙදෙනෙක් තියුණු ආයුදවලින් තමන්ට සහ බිරිය ට පහර දුන් අයුරු ඔහු පවසා ඇත.
මේ ඝාතනයට පැමිණි පුද්ගලයින් දෙදෙනාගෙන් කෙනෙක් අවට ගම්වාසීන් විසින් අල්ලාගෙන පහර දී පොලිසියට භාර දී තිබේ. ඔහුත් මේ වනවිට රෝහල්ගතව ප්රතිකාර ලබමින් සිටී. එම පුද්ගලයා පවසා ඇත්තේ තමන්ට වෙනත් අයෙක් විසින් ලබා දුන් කොන්ත්රාත්තුවක් මත මෙම ඝාතනය කළ බවය.
කෙසේ වෙතත් පොලිස් විමර්ශකයින් පවසන්නේ මෙම ඝාතන සිද්ධිය සැක සහිත බවය. මේ පසුපස යම් නීති විරෝධී ගනුදෙනුවක් තිබේ දැයි විමර්ශන අංශ සොයමින් සිටී.
