රට තුළ පවතින ඩොලර් අර්බුදය තවදුරටත් වර්ධනය වෙමින් ගනුදෙනුවල ඇති විශ්වාසනීයත්වය බිඳී රටටත් අපකීර්තියක් අත්වන තත්වයක් උද්ගතවන්නේ නම් සිය ව්යාපාර කටයුතු වෙනුවෙන් රට හැරයෑමට සිදුවනක බව දන්වා වාණිජ මණ්ඩල 10ක් ඒකාබද්ධ ප්රකාශනයක් කරමින් රජය දැනුම්වත් කර ඇත.
නිසි ආකාරයෙන් ණයවර ලිපි නිකුත්කරගත නොහැකිවීම හේතුවෙන් සැපයුම්කරුවන් පත්වන අපහසුව සහ අවිශ්වාසනීයත්වය රටට මෙන්ම පොදු ජනතාවටත් අයහපත් ලෙස බලපානු ලබන බව ඔවුහු පෙන්වා දෙති.
මේ අතර එකොනොමි නෙක්ස්ට් වෙබි අඩවිය අද හෙළිදරවු කළේ මෙරට බැංකුවලට ඩොලර් සපයා ගැනීමේ දී දැරීමට සිදුව ඇති පිරිවැය සියයට පනහකින් වැඩිවී ඇති බවය.
අන්තර් බැංකු ඩොලර් හුවමාරුවල දී ඩොලරයක් වෙනුවෙන් රුපියල්වලින් සියයට 40ක පොලියක් ගෙවිය යුතුව ඇති බව ආර්ථික විශේෂඥයෝ කියති.
