දිනසේන රතුගමගේ –
යාපනයේ වඩමරච්චි ප්රදේශයෙන් මුහුදු ගොස් සිටියදී අතුරුදහන් වූ ධීවරයින් දෙදෙනගේ බවට සැකකෙරෙන මළ සිරුරු දෙකක් ඊයේ (31) සවස මුහුදු වෙරළට ගොඩ ගසා තිබියදී ධීවරයින් පිරිසකට හමු වී තිබේ.
මෙම ධීවරයින් දෙදෙනා මිය ගියේ ඉන්දීය ධීවරය යාත්රාවක් විසින් සිදුකළ අනතුරක් හේතුවෙන් බව කියමින් ඔවුන් දෙදෙනාට සාධාරණය ඉටු කරන්නැයි බල කෙරෙන බව කියන උද්ඝෝෂණයක් ඊයේ ආරම්භ වූ අතර අද පෙරවරුවේත් විරෝධතාවය දියත් වුණේය.
අද මරදන්කේනි ප්රාදේශීය ලේකම් කාර්යාල ඉදිරිපිට ධීවර විරෝධතාවය පැවැත්විනි.
මෙම ධීවරයින් දෙදෙනා පසුගිය 27 වෙනිදා වඩමරච්චි ප්රදේශයෙන් මුහුදු ගොස් සිටියදී අතුරුදහන් වූ අතර ඔවුන් ජෝෂප් ප්රේම්කුමාර් (46) සහ අරුන්කුමාර් තනිහේමාරන් (49 ) යන යාපනයේ වඩමරච්චි ප්රදේශයේ මාමා සහ බෑනා කෙනෙකු බවට හදුනාගෙන තිබුණි.
යාපනයේ පේදුරුතුඩුව පොලීසියට මේ සම්බන්ධයෙන් පැමිණිලි කිරීමෙන් පසුව නාවික හමුදාව සහ ධීවරයින් එක්ව අතුරුදහන් වූ ධීවරයින් දෙදෙනා සොයා මෙහෙයුමක් දියත් කරණ ලද නමුත් ඔවුන්ව සොයා ගැනීමට නොහැකි වුණි.
සම බරව ඇත්ත කියන ලංකාසර පුවත් ඔබට සෑම විටෙක දැකීමට ඕනෑ නම් පහත අපේ වට්ස්ඇප් / ටෙලිග්රෑම් සමූහයන්ට එක්වෙන්න.
මළ සිරුරු දෙකක් මුහුදු වෙරළට ගොඩ ගැසීමෙන් පසුව පේදුරුතුඩුව පොලීසිය එම මළ සිරුරු දෙක පරීක්ෂණ කටයුතු සදහා පේදුරුතුඩුව රෝහලට බාර දී සිද්ධිය සම්බන්ධයෙන් පරීක්ෂණ ආරම්භ කොට තිබේ.
