ලලිත් චාමින්ද –
අක්රියව පවතින මාගම්පුර වරාය කළමණාකරණ පුද්ගලික සමාගමේ ඈවරකිරිමේ කටයුතුවල ප්රමාදය හේතුවෙන් ඉකුත් වසර (2019 -2022) හතර තුළ පරිපාලන වියදම් ලෙස රුපියල් තුන්කෝටි, දහනව ලක්ෂ, අසූ තුන්දහස්, හයසිය තිස් නවයක (31,983,639) මුදලක් වියදම් කර ඇති බැව් ජාතික විගණන කාර්යාලය මගින් නිකුත්කොට ඇති නවතම විගණන වාර්තාවක සඳහන් වේ.
මෙම සමාගමේ මෙහෙයුම් කටයුතු ඈවර කිරීමට 2018 වර්ෂයේ පෙබරවාරි මස 15 වැනිදින අධ්යක්ෂක මණ්ඩලය විසින් තින්දුකොට තිබුණි. එම තිරණය ගෙන ඉකුත් වර්ෂයේ දෙසැම්බර් මස 31 දින වනවිට වසර හතරක් ගතවී ඇතත් ඈවර කිරිමේ කටයුතු නිමවී නොතිබු බවද විගණනය මගින් අනාවරණය කොට ඇත.
එමෙන්ම අක්රියව පවතින මෙම සමාගම විසින් අර්ධ කාලින මුල්ය කළමණාකරුවන් දෙදෙනෙකු සඳහා මාසික වැටුප රුපියල් 50000 බැගින් 2022 වර්ෂයේ ජනවාරි සිට නොවැම්බර් මස දක්වා රුපියල් එකොළොස් ලක්ෂයක මුදලක් ගෙවා ඇති බවද විගණන වාර්තාවේ සඳහන් වේ.
සමාගම තුළ ගණුදෙණු සිදුනොවන තත්වයක් තුල එසේ මුල්ය කළමණාකරුවන් දෙදෙනෙකු සේවයේ යෙදවිමේ අවශ්යතාවය සාධාරණ වන ලිඛිත තහවුරුවක් විගණනයට ඉදිරිපත් වි නොතිබු බවද විගණන වාර්තාවේ දැක්වේ.
අර්ධකාලීන මුල්ය කළමණාකරුවන් දෙදෙනෙකු පත්කිරීමට අදාළ අධ්යක්ෂක මණ්ඩල පත්රිකාව අනුව කළමණාකරුවන් දෙදෙනෙකු සේවය යෙදවීමේ අවශ්යතාවය පැහැදිලිව තහවුරුකර ඇති බවද සමාගමේ කළමණාකාරිත්වය විසින් විගණනයට සඳහන් කොට ඇත.
සම බරව ඇත්ත කියන ලංකාසර පුවත් ඔබට සෑම විටෙක දැකීමට ඕනෑ නම් පහත අපේ වට්ස්ඇප් / ටෙලිග්රෑම් සමූහයන්ට එක්වෙන්න.
මාගම්පුර වරාය කළමණාකරණ පුද්ගලික සමාගම සම්බන්ධයෙන් 2022 වර්ෂයට අදාලව මෙම විගණන වාර්තාව නිකුත්කොට තිබුණි.
